क्यापिटल हिलमा नेपाली चेली प्राशा तुलाधरको एड्भोकेसी, नेपालका स्वास्थ्यमन्त्रीलाई पनि सुझाव

प्रकाशित मिति : भाद्र २९, २०७३ बुधबार

आफूले नयाँ जीवन पाएपछि अरुको जीवन बचाउन लविङ

फोक्सो प्रत्यारोपणपछि नयाँ जीवन पाएकी न्युयोर्क निवासी नेपाली प्राशा तुलाधरले वासिंटन डिसीको क्यापिटोल हिल पुगेर अमेरिकी संसदका सदस्यहरु र उनीहरुका प्रतिनिधीहरुसँग अंग प्रत्यारोपणलाई सहज र सबैको पहुमा बनाउन  प्रत्यारोपणसम्बन्धि उपयुक्त कानुनको आवश्यकताबारे छलफल गरेकी छिन् । अमेरिकामा अंग प्रत्यारोपणपछि नयाँ जीवन पाएका केही नेपालीहरुमध्ये प्राशा एक हुन् ।

भेटघाटहरुमा प्राशाले स्क्लेरोडोर्मा र फिब्रोसिस रोगसँग सम्बन्धित प्रत्यारोपणलाई सहज बनाउन आवश्यक उपयुक्त कानुनका पक्षमा एड्भोकेसी गरेकी हुन् । छलफलका क्रममा थप अनुसन्धानका लागि सहयोग गर्ने वाचा प्राप्त भएको प्राशाले बताइन् ।

आफूले सिनटेर गिलब्राण्ड र सिनेटर शुमेरको कार्यालयमा पुगेर फोक्सो प्रत्यारोपणमा आफ्नो अनुभव सुनाएको प्राशाले बताइन् । उनले भनिन् -‘स्क्लेरोडोर्मा रोगबाट कसरी महिला (खासगरी बच्चा जन्माउने उमेरका महिला) र बच्चाहरु प्रभावित छन् भन्नेबारेमा मेरो जोड थियो ।’

अमेरिकन एसियनको प्रतिनिधित्व गर्दै प्राशा न्युयोर्कबाट अमेरिकी राजनीतिज्ञ र उनीहरुका प्रतिनिधीहरुलाई भेट्न वासिंटन डिसी गएकी थिइन् । न्युयोर्कमा रहेको स्क्लेरोडोमा फाउण्डेशन ट्राई स्टेट च्याप्टरबाट प्रतिनिधित्व गरेर क्यापीटल हिल पुगेकी प्राशालाई अमेरिकी राजनीतिज्ञहरुले पोफेशनल एड्भोकेट को रुपमा पाएको बताएका थिए ।

‘पहिलो पटक मैले प्रत्यारोपणलाई सबैको पहुँचमा लैजाने सम्बन्धि कानुन पारित गर्न सघाउने व्यक्तिहरुलाई भेटें । पहिलोपटक मलाई कसैले प्रोफेशनल एड्भोकेटको संज्ञा दियो । पहिलोपटक मैले आफूलाई एसियन अमेरिकनको रुपमा परिचित गराएँ । पहिलो पटक मैले भविश्यको बारेमा कुरा गरेको मान्छेहरुले बताए । पहिलोपटक कसैले मलाई रोजगार दिनसक्ने बताए । पहिलोपटक मैले आफ्नो आवाज सम्बन्धित निकायमा सुनिने बनाएँ ।’ – प्राशाले भेटघाटबारे आफ्नो अनुभव बताइन् ।

अंग प्रत्यारोपण सबैको पहुँचमा लैजाने गरी सुधार गरिएको कानुन कार्यान्वयनको तहमा पुगिसकेको प्राशाले जानकारी दिइन् । सन् २०१२ मा बिरामी भएपछि उपचाररत प्राशाले फोक्सो प्रत्यारोपणपछि मात्र आफू चारबर्षपछि भ्रमणमा निस्किएको बताइन् । अमेरिकामा राजनीतिक स्तरमा अंग प्रत्यारोपणलाई सबैको पहँचमा र सहज बनाउन लविङ गरिरहेकी प्राशाले नेपालको स्वास्थ्य क्षेत्रमा पनि परिवर्तनका लागि आफ्नो तर्फबाट लागिपर्ने र नेपालीहरुका लागि धेरै काम गर्नसक्ने आशा व्यक्त गरिन् । उनले स्वास्थ्यमन्त्री गगन थापालाई सन्देश दिदै भनिन् -‘माननीय गगन थापाज्यू, तपाईले अब मलाई पनि सामना गर्नुपर्ने हुनसक्छ ।’

प्राशाले दुबै फोक्सो बिग्रिएका नेपालका ४७ बर्षीय विनोद थापा र उनीजस्ता प्रत्यारोपण आवश्यक पर्ने बिरामीलाई सहयोग गर्न एवं त्यसका पक्षमा आवश्यक नीति निर्माण गर्न स्वास्थ्यमन्त्रीलाई सुझाव दिएकी छिन् । दुबै फोक्सो बिग्रिएका काठमाडौं निवासी ४७ बर्षीय विनोदकुमार थापा विगत ८ बर्षदेखि प्रत्यारोपणको प्रतिक्षामा छन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com