पोल्याण्डले दक्षिण कोरियाबाट १८० युद्धक ट्यांक खरिद गर्ने
प्रकाशित मिति : असार २८, २०८२ शनिबार
पोल्याण्डले दक्षिण कोरियाबाट १८० ट्यांक खरिद गर्ने सम्झौता गरेको छ । पोल्याण्डले सन् २०२२ मा दक्षिण कोरियासँग गरिएको सुरक्षा सम्झौताअन्तर्गत दोस्रो चरणमा १८० वटा मुख्य युद्धक ट्यांक खरिद गर्ने प्रक्रिया पूरा गरेको हो ।
यो सम्झौतापछि अन्ततः करिब १ हजार ट्यांक पोल्याण्डको सैन्य सागरमा थपिने छन । यो सम्झौता पोल्याण्डलाई युरोपको एक शक्तिशाली सैन्य शक्तिको रूपमा उभ्याउने संकेत हो ।
दक्षिण कोरियालाई अमेरिका समर्थित मुलुकहरूका लागि महत्त्वपूर्ण हतियार आपूर्तिकर्ता बनाउँदैछ । विशेष गरी अहिलेको समयमा भइरहेको विश्वव्यापी युद्धले अमेरिकाका हतियार भण्डारहरू घटाइरहेका बेला यो सहमति भएको हो ।
यो सम्झौता रुसले युक्रेनमाथि आक्रमण बढाइरहेको बेलामा गरिएको हो । तीमध्ये केही आक्रमण पोल्याण्डको सिमानाबाट १०० माइल भित्र परेका छन् ।
युक्रेनसँग सिमा जोडिएको नाटो सदस्य पोल्याण्डलाई रुसले आक्रमण विस्तार गरेमा फ्रन्टलाइन सुरक्षाको रूपमा हेरिन्छ । पोल्याण्डको रक्षा मन्त्रालयले सामाजिक सञ्जाल एक्समा पोस्ट गर्दै सम्झौताबारे जानकारी दिएको थियो ।
सम्झौताको कुल मूल्य ६.७ बिलियन अमेरिकी डलर बराबरको रहेको छ । यसमा ८० वटा सपोर्ट गाडी, गोलाबारुद, लजिस्टिक्स, र प्रशिक्षण प्याकेजहरू पनि समावेश छन्।
ट्यांकहरू दक्षिण कोरियाको कम्पनीले निर्माण गर्नेछ। केही ट्यांक पोल्याण्डमै निर्माण गरिनेछन् । १८० ट्यांकमध्ये ६० वटा पोल्याण्डमै बनाइनेछन् । पहिलो ३० ट्यांक २०२६ मा पोल्याण्ड पुग्ने अपेक्षा गरिएको छ ।
दुई देशबीच २०२२ मा गरिएको प्रारम्भिक सम्झौताअनुसार पोल्याण्डले ९८० वटा ट्यांक, ६४८ वटा स्वचालित होविट्जर तोप र र ४८ वटा लडाकु विमान प्राप्त गर्ने छ ।
यस सम्झौताअनुसार दक्षिण कोरियाबाट अहिलेसम्म १३५ वटा ट्यांक डेलिभरी भइसकेका छन् । बाँकी ४५ वटा ट्यांक वर्षको अन्त्यसम्म पुग्नेछन् ।
रुसी ड्रोन आक्रमणबाट युक्रेनमा भएको क्षतिका कारण पोल्याण्ड झनै सतर्क भएको छ । लुत्स्क शहरमा गरिएको एक भीषण ड्रोन हमलापछि पोल्याण्डले आफ्ना फाइटर जेटहरू तयारी अवस्थामा राख्नुपरेको थियो । लुत्स्क पोल्याण्डको सिमाना नजिकै—करिब ५० माइल टाढा मात्र पर्छ।
अमेरिकी थिङ्क ट्याङ्क ले भने पोल्याण्डको ठूलो सैन्य खरिद योजनाको वित्तीय पक्षमा चिन्ता व्यक्त गरेको छ ।
धेरै खरिदहरू कर्जाबाट गरिएको छ । यसले दीर्घकालीन ऋणको बोझ निम्त्याउन सक्छ । साथै, पोल्याण्डले अर्को दशकमा आफ्नो सेना ५० प्रतिशत ले बढाउनुपर्ने आवश्यकतासमेत रहेको उल्लेख गरिएको छ।