वीरगञ्ज महानगरमा राजपाको अग्रता, दुई उपमहानगरमा एमाले अगाडि


प्रकाशित मिति : आश्विन ५, २०७४ बिहीबार

काठमाडौं, ५ असोज । तेस्रो चरणमा भएको दुई नम्बर प्रदेशको स्थानीय तह निर्वाचनको मतगणना जारी छ । मतगणना अनुसार तेस्रो चरणमा निर्वाचन भएको एक मात्र महानगरपालिका वीरगञ्जमा राष्ट्रिय जनता पार्टी नेपालले अग्रता लिएको छ ।

तीव्र प्रतिस्पर्धा देखिएको वीरगञ्जमा गएरातिसम्म कांग्रेस अघि थियो । आज बिहान आएको परिणाम अनुसार राजपा अगाडि देखिएको छ । तेस्रो स्थानमा फोरम छ ।

त्यसैगरी, राजपाले जनकपुर उपमहानगरपालिकामा पनि अग्रता लिएको छ । जनकपुरमा पनि कांग्रेसले राजपालाई पछ्याइरहेको छ । तेस्रो स्थानमा एमाले छ ।

त्यस्तै, बाराका दुई महानगरपालिकामा एमालेले अग्रता लिएको छ । जितपुर सिमरा उपमहानगरपालिकामा एमालेलाई माओवादीले पछ्याइरहेको छ भने कलैयामा एमालेलाई फोरमले थोरै मतान्तरले पछाडि छ । दुवै उपमहानगरपालिकामा कांग्रेस तेस्रो स्थानमा छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com