अमेरिकामा भाडामा बस्नेलाई अध्यागमनलाई खबर गर्ने धम्की दिने घरवेटीलाई ८० हजार डलर जरिवाना
अमेरिकाको शिकागोमा भाडामा बस्नेलाई पक्राउ गर्न अध्यागमनका एजेन्ट आइसलाई खब गर्ने धम्की दिने घरवेटीलाई अदालतले ८० हजार डलर जरिवाना गरेको छ । मार्को एन्टोनियो कोन्ट्रेरास नामका ती घरवेटीले घरमा भाडामा बसेका दम्पतीलाई अध्यागमन अधिकारीहरू बोलाउने धम्की दिएका थिए ।
दम्पतीले कोन्ट्रेरासलाई इलिनोय आप्रवासी टेनेन्ट प्रोटेक्शन ऐन अन्तर्गत मुद्दा हालेका थिए, जसले भाडावालहरूलाई उनीहरूको आप्रवासन स्थितिको आधारमा भेदभाव वा उत्पीडनबाट जोगाउँछ । मेक्सिकन अमेरिकी कानूनी रक्षा र शैक्षिक कोषले २०२२ मा दम्पतीको तर्फबाट मुद्दा दायर गरेको थियो।
मुद्दा अनुसार दम्पतीले कन्ट्रेरास र उनकी श्रीमतीबाट २०१७ देखि बेसमेन्ट अपार्टमेन्ट भाडामा लिएका थिए । ३० जुन २०२० मा कोन्ट्रेरास दम्पतीकहाँ गएर अर्को महिनाको लागि भाडा मागेका थिए । टकरावको क्रममा कन्ट्रेरासले दम्पतीलाई अध्यागमन एजेन्टहरूलाई रिपोर्ट गर्ने धम्की दिएका थिए ।
आप्रवासी टेनेन्ट प्रोटेक्शन ऐनले घरधनीहरूलाई अध्यागमन र भन्सार प्रवर्तनलाई कल गर्ने धम्की दिन र अध्यागमन स्थितिको आधारमा भाडामा लिनेहरूलाई उत्पीडन वा निष्कासन गर्नबाट निषेध गर्दछ। सोही आधारमा इलिनोय सर्किट अदालतका न्यायाधीशले कन्ट्रेरासलाई ८० हजार डलर रकम दम्पतीलाई तिर्न आदेश दिएका थिए । साथै कानूनको उल्लंघन गरेकोमा वकिलहरूको शुल्क लागत पनि घरवेटीले तिर्नुपर्नेछ ।
घरवेटीले आफहरुविरुद्ध अध्यागमनमा कल गर्ने धम्की दिएकाले आफूहरु चुप नबस्ने निर्णय गरेको दम्पतीले एक विज्ञप्तिमा बताएका छन् । २०१९ मा कानून पारित भएयता उक्त कानून अन्तरगत फैसला भएको यो पहिलो पटक हो । इलिनोय आप्रवासी भाडामा लिने अधिकारहरूको संरक्षण गर्ने कानून लागू गर्ने अमेरिकाको दोस्रो राज्य थियो।
