बन्धकहरु तत्काल मुक्त नगरे हमासका सबै सदस्यहरुलाई नर्क पठाइदिने ट्रम्पको चेतावनी
प्रकाशित मिति : फाल्गुन २१, २०८१ बुधबार
President Donald Trump takes questions while speaking with reporters in the James Brady Press Briefing Room at the White House, Thursday, Jan. 30, 2025, in Washington. (AP Photo/Jacquelyn Martin)
अमेरिकी राष्ट्रपति डोनाल्ड ट्रम्पले लडाकु समूह हमासका सबै सदस्यहरुलाई नर्क पठाइदिने चेतावनी दिएका छन ।
गाजामा बन्धक बनाइएका सबै व्यक्तिहरुलाई तुरुन्त मुक्त नगरे हमासले गम्भीर परिणाम भोग्नु पर्ने उनले भनेका छन । ‘जिवितलाई मुक्त गर मारिएका छन भने शव हस्तान्तरण गर अन्यथा मृत्यु रोज’ ट्रम्पले सामाजिक सञ्जालमा लेखेका छन ।
गाजाका बासिन्दाहरुलाई पनि बन्धकलाई लुकाएर नराख्न ट्रम्पले चेतावनी दिएका छन । बन्धक लुकाएर राख्नेहरु पनि निशानामा पर्ने उनले बताए । युद्धविरामको दोस्रो चरणलाई हमासले अस्वीकार गरेपछि ट्रम्पको पछिल्लो चेतावनी आएको हो ।
हमासलाई अमेरिकाले आतंकवादी सूचिमा राखेको भएपनि बन्धक रिहा गराउने सवालमा हमसासँग वार्ता गरेको ट्रम्पले स्पष्ट पारेका छन । हमास नेतृत्वलाई अझै मौका रहेको ट्रम्पले बताए ।
हमासलाई ट्रम्पले धम्की दिएको यो पहिलो पटक भने होइन । २०१९ डिसेम्बरमा उनले बन्धकहरू छोडिएन भने सबैलाई नर्कमा पठाइने चेतावनी दिएका थिए ।
ह्वाइट हाउसका प्रेस सचिव क्यारोलिन लेविटले अमेरिका हमाससँग प्रत्यक्ष वार्ता गरेको पुष्टि गरेकी छन ।
इजराइलले गाजा क्षेत्रमा अझै ५९ बन्धकहरू रहेको बताएको छ । जसमा २४ जनासम्म जीवित रहेको विश्वास गरिएको छ । अमेरिकी नागरिकहरू पनि यसमा समावेश छन् ।
पूर्व अमेरिकी मध्य पूर्वका उप सहायक रक्षा सचिव मिक मुल्रोयले अमेरिका आफ्नो नागरिकहरूलाई फर्काउन अधिक सक्रिय हुन आवश्यक रहेको बताएका छन ।
अमेरिकाले इजरायललाई दिदै आएको समर्थन जारी राख्ने ट्रम्पले बताए ।