रक्षा बजेट घटाउने अमेरिकी प्रस्तावमा रुसको समर्थन, किन जनायो चीनले असहमति ?
प्रकाशित मिति : फाल्गुन १३, २०८१ मंगलबार
FILE – President Donald Trump shakes hands with China’s President Xi Jinping during a meeting on the sidelines of the G-20 summit in Osaka, Japan, June 29, 2019. (AP Photo/Susan Walsh, File)
अमेरिकी राष्ट्रपति डोनाल्ड ट्रम्पले रूस, अमेरिका र चीनले आफ्नो रक्षा बजेट आधा कटौती गर्नुपर्ने प्रस्ताव गरेका छन ।
यो प्रस्तावलाई रूसी राष्ट्रपति भ्लादिमिर पुटिनले समर्थन गरेका छन । तर चीनले भने अमेरिकी प्रस्तावलाई अस्वीकार गरेका छ ।
चीनले आफ्नो रक्षा खर्च ‘पूर्णतया आवश्यक’ भएको बताएको छ ।
रूसले सन् २०२२ मा युक्रेनमाथि आक्रमण सुरु गरेदेखि नै सैन्य खर्चमा व्यापक वृद्धि गरेको छ ।
तर एसिया–प्रशान्त क्षेत्रमा तनाव कायमै रहेकाले हालैका वर्षहरूमा चीनमा पनि खर्च बढेको छ ।
चिनियाँ विदेश मन्त्रालयका प्रवक्ता लिन जियानले चीन सधैं शान्तिपूर्ण विकासको मार्गमा निष्ठापूर्वक अडिग रहँदै आएको बताएका छन ।
चिनियाँ राष्ट्रपति सी चिनफिङ र पुटिनबीच युक्रेनमा जारी युद्धबारे छलफल भएको एक दिनपछि चीनको यस्तो टिप्पणी आएको हो ।
पुटिनले टेलिभिजन अन्तर्वार्तामा तीन देशको रक्षा बजेटमा ५० प्रतिशत कटौती गर्ने ट्रम्पको प्रस्ताव ‘राम्रो विचार’ भएको बताएका थिए । उनले आफूले चीनका लागि भने बोल्न नसक्ने बताएका थिए ।
चीनको विदेश मन्त्रालयले यसै महिनाको सुरुमा ट्रम्पले प्रस्ताव गरेको सैन्य खर्चमा कुनै पनि कटौतीमा अमेरिकाले ‘अग्रसरता’ देखाउनुपर्ने बताएको थियो।