स्टारलिङ्कको विकल्प खोज्नुपर्ने अवस्था युक्रेनमा किन आयो ?
प्रकाशित मिति : फाल्गुन ११, २०८१ आईतबार
युक्रेनले स्टारलिङ्कको पहुँच कटौती भएमा आउन सक्ने समस्या समाधानका लागि ‘विकल्प’ मा काम गरिरहेको बताएको छ ।
युक्रेनी रक्षामन्त्री रुस्तेम उमेरोभले अमेरिकाले पहुँच रोक्न सक्ने खबरहरू आएपछि अग्रपङ्क्तिको स्याटेलाइट सञ्चारका लागि अमेरिकी अपरेटर स्टारलिङ्कको विकल्पहरू खोजिरहेको बताएका हुन ।
मिडिया रिपोर्टका अनुसार युक्रेनी महत्त्वपूर्ण स्रोतहरूमा अमेरिकालाई अधिकार दिने सम्झौतामा हस्ताक्षर गर्न अस्वीकार गरेमा अमेरिकाले युक्रेनी सेनाका लागि महत्त्वपूर्ण सञ्चार नेटवर्कमा युक्रेनी पहुँचमा बाधा पुर्याउने धम्की दिएको छ ।
“हामीले पहिले नै यसमा काम गरिरहेका छौँ । त्यहाँ विकल्पहरू छन् । त्यहाँ एउटा समाधान छ, त्यहाँ एउटा विकल्प छ”, रक्षामन्त्री उमरोभले युक्रेनमा आयोजित पत्रकार सम्मेलनमा बताए ।
युक्रेनले अमेरिकाले तयार पारेको महत्त्वपूर्ण खनिज सम्झौताले युक्रेनको हित सुनिश्चित गर्न असफल भएको र देशका लागि आवश्यक सुरक्षा ग्यारेन्टीको अभाव रहेको बताएको छ ।
स्टारलिङ्कका मालिक डोनाल्ड ट्रम्पका अर्बपति सल्लाहकार एलन मस्कले अमेरिकाले युक्रेनी पहुँच रोक्ने धम्की दिएको भन्ने रिपोर्टलाई अस्वीकार गर्दै सामाजिक सञ्जालमा लगाइएका आरोपहरूलाई ‘झुटो’ भनेर दावी गरेका छन् ।