अमेरिकाले सीमा शुल्क लगाएपछि मेक्सिकोको अर्थतन्त्र मन्दीमा जानसक्ने संभावना
प्रकाशित मिति : माघ २०, २०८१ आईतबार
मेक्सिकोका राष्ट्रपति क्लाउडिया सेनबामले आफ्नो सरकारले लागू पदार्थ कार्टेलहरूसँग गठबन्धन नगरेको स्पष्ट पारेका छन ।
अमेरिकाले लागू पदार्थ कार्टेलहरूसँग गठबन्धन गरेको आरोप लगाएपछि त्यसलाई मेक्सिकोका राष्ट्रपतिले अस्वीकार गरेका छन । उनले अमेरिकी राष्ट्रपति डोनाल्ड ट्रम्पको भन्सार महसुलको विरुद्धमा बदला लिने प्रतिज्ञा समेत व्यक्त गरेका छन ।
अवैध आप्रवासन र लागुऔषध तस्करीका कारण ट्रम्पले मेक्सिको र क्यानाडाका सामानमा २५ प्रतिशत कर ह्वाइट हाउसले लगाएपछि नजिकका छिमेकीहरूबीच तनाव बढेको छ ।
अमेरिकी राजनीतिज्ञ र विश्लेषकहरूले पहिले पनि मेक्सिको सरकारले कार्टेलहरूसँग सहकार्य गरेको आरोप लगाएका थिए । तर औपचारिक आरोप लगाइएको यो पहिलो पटक भएको सेवानिवृत्त मेक्सिकन कूटनीतिज्ञ अगस्टिन गुटिरेज क्यानेटले भनेका छन ।
आधिकारिक तथ्याङ्कअनुसार अमेरिकाले गत वर्ष मेक्सिकोको निर्यातको ८० प्रतिशतभन्दा बढी खरिद गरेको थियो ।
अमेरिकामा हुने निर्यातले उनीहरूको कूल गार्हस्थ्य उत्पादन (जिडिपी) को करिब २० प्रतिशत हिस्सा ओगटेको हुनाले भन्सार महसुलले क्यानाडा र मेक्सिको दुवै अर्थतन्त्रलाई यस वर्षको अन्त्यमा मन्दीमा धकेल्न सक्ने संभावना रहेको छ ।
बेस वित्तीय समूहका आर्थिक विश्लेषण प्रमुख ग्याब्रिएला सिल्लरका अनुसार २५ प्रतिशतको समग्र भन्सार महसुलले मेक्सिकोको निर्यातमा करिब १२ प्रतिशतको गिरावट ल्याउन सक्छ ।
यदि भन्सार महसुल वर्षभरि कायम रह्यो भने मेक्सिकोको जिडिपी सन् २०२५ मा चार प्रतिशतले घट्न सक्छ । सन् २०२४ को अन्त्यसम्म मेक्सिको मन्दीको सङ्घारमा थियो ।
यदि यो भन्सार महसुल केही महिनासम्म रह्यो भने मेक्सिकन अर्थतन्त्र गम्भीर मन्दीमा जानसक्ने विश्लेषकहरुले अनुमान गरेका छन ।