अमेरिका र रुससंग चीनको व्यापार बढ्यो
प्रकाशित मिति : पुस २९, २०८१ सोमबार
APTOPIX China Russia
चीन र रुसबीच सन् २०२४ मा किर्तिमानी व्यापार भएको भन्सार तथ्याङ्कले देखाएको छ ।
चीन र रुसबीच गत वर्ष व्यापार रेकर्ड उचाइमा पुगेको सार्वजनिक भएको आधिकारिक तथ्याङ्कले देखाएको हो ।
यसले रुसमाथि पश्चिमी प्रतिबन्धहरू हुँदाहुँदै पनि दुई देशबीचको बलियो आर्थिक सम्बन्धलाई प्रतिबिम्बित गर्दछ ।
चीनको भन्सार प्रशासन महाशाखाले प्रकाशित गरेको तथ्याङ्कअनुसार सन् २०२४ मा रुससँगको कूल आयात र निर्यात २ खर्ब ४४ अर्ब ८० करोड डलर पुगेको छ ।
यो सन् २०२३ को २ खर्ब ४० अर्ब १० करोड डलरको तुलनामा केही बढी हो ।
गत वर्षको वृद्धिले ठूला छिमेकी देशहरू बीचको व्यापारलाई ऐतिहासिक उच्च विन्दुमा पु¥याएको देखिएको छ ।
सन् २०२२ को सुरुमा रुसले युक्रेनमा आक्रमण गरेपछि चीन र रुसबीचको राजनीतिक र आर्थिक सम्बन्ध गहिरो भएको छ ।
उक्त सम्बन्धलाई अमेरिका र अन्य पश्चिमी राष्ट्रहरूबाट व्यापक आलोचना गर्दै कडा प्रतिबन्धहरू लागू गरेका छन् ।
चीनले सङ्कटमा आफूलाई तटस्थ पक्षको रूपमा राख्न खोजेको छ ।
सन् २०२४ मा विश्वको शीर्ष दुई अर्थतन्त्र चीन र अमेरिकाबीचको व्यापार ३ दशमलव ७ प्रतिशतले बढेर ६ खर्ब ८८ अर्ब ३० करोड डलर पुगेको चिनियाँ भन्सार तथ्याङ्कले देखाएको छ ।
आफ्नो पहिलो कार्यकालमा चीनमाथि व्यापक शुल्क लगाउने अमेरिकी राष्ट्रपतिमा निर्वाचित डोनाल्ड ट्रम्पले ह्वाइट हाउसमा आफ्नो दोस्रो कार्यकालमा अर्को हप्ता सुरु हुने गरी अझ बढी आक्रामक व्यापारिक कदमहरूको धम्की दिएका छन ।