अमेरिकाको लस एन्जलसमा डढेलोका कारण ज्यान गुमाउनेको संख्या ५ पुग्यो, करिब २ लाख विस्थापित
प्रकाशित मिति : पुस २४, २०८१ बुधबार
अमेरिकाको लस एन्जलसमा डढेलोका कारण ज्यान गुमाउनेको संख्या ५ पुगेको छ । लस एन्जलस शेरिफको कार्यालयले डढेलोबाट थप तीन जनाको मृत्यु भएको पुष्टि गरेको हो ।
अल्टाडेना क्षेत्रमा सुरु भएको इटन आगलागीबाट २ जनाको मृत्यु भइसकेको छ । लस एन्जलस काउन्टीका शेरिफ रोबर्ट लुनाले इटन आगलागीबाट अहिलेसम्म पाँच जनाको मृत्यु भइसकेको बताएका छन ।
डढेलोले पाँच वटा क्याम्पसहरूलाई ठूलो क्षति पुर्याएको छ । एक विद्यालयमा ८० प्रतिशत क्षति भएको छ ।
पासाडेना नगरप्रमुख भिक्टर गोर्डोले १ लाखभन्दा बढी मानिसहरूलाई अनिवार्य रूपमा सुरक्षित स्थानमा जान आदेश दिइएको बताए । थप १ लाखलाई चाँडै नै विस्थापित गर्नुपर्ने चेतावनी दिइएको छ ।
राज्यभर र देशभरबाट अग्नि नियन्त्रण टोलीले डढेलो नियन्त्रणका लागि प्रयास गरिरहेका छन् । वुडली आगलागी नियन्त्रणमा आएको र हवाई अपरेसन पुनः सुरु भएको छ । तर, हावा बढेमा स्थिति नियन्त्रण बाहिर जानसक्ने चिन्ता पनि उस्तै छ ।
ग्यास आपूर्ति कटौतीका कारण १५ हजार भन्दा बढी मानिस प्रभावित भएका छन् । हावाको बेग रातभर बलियो नै रहनेछ संभावना देखिएको छ ।
पासाडेना फायर चिफ चाड अगस्टिनले इटन आगलागी नियन्त्रण गर्न ७५० भन्दा बढी अग्नि नियन्त्रणकर्मीहरूले काम गरिरहेका बताएका छन् । आगलागी हाल १० हजार ६०० एकड क्षेत्रमा फैलिएको छ ।
क्यालिफोर्नियाका विभिन्न स्थान र एरिजोनाबाट समेत उद्धार टोलीहरू सहयोग गर्न पुगका छन् । हालसम्म २०० देखि ५०० संरचनाहरू क्षतिग्रस्त वा पूर्ण रूपमा नष्ट भएका बताइएको छ ।