जेजू एयरको अर्को विमानमा पनि ल्यान्डिङ गियरको समस्या, उडेको १ घण्टा मै आकस्मिक अवतरण
प्रकाशित मिति : पुस १५, २०८१ सोमबार
दक्षिण कोरियाका सबै विमानस्थलको आकस्मिक सुरक्षा निरीक्षण हुने भएको छ । त्यहाँका कार्यवाहक नेताले देशका सबै हवाई अड्डा सञ्चालनहरूको आपतकालीन सुरक्षा निरीक्षणको आदेश दिएका छन् ।
सबैभन्दा घातक हवाई दुर्घटनामा १७९ जना मानिसको मृत्यु भएको अर्को दिन कार्यवाहक नेताले यो आदेश दिएको बताइएको छ ।
जेजू एयरको विमानले दक्षिण कोरियाको मुआन अन्तर्राष्ट्रिय विमानस्थलमा अवतरण हुदै गर्दा आगो लागेको थियो । जसमा सबै यात्रीको मृत्यु भएको थियो । चालक दलका २ जना सदस्यको ज्यान जोगिएको छ ।
कार्यवाहक राष्ट्रपति चोई साङ मोकले अनुसन्धानकर्ताहरूसँग शोक संतप्त परिवारहरूलाई छिटो रिपोर्ट दिन आग्रह गरेका छन्।
जेजू एयरको अर्को जहाज सोमबारको दिन उडेको केही समयपछि सोल फर्किएको थियो । यो विमानमा पनि ल्यान्डिङ गियरको समस्या देखिएको बताइएको छ ।
ल्यान्डिङ गियर भनेको विमानको पाङ्ग्रा र अन्य भागहरूको सेट हो । जसले विमानलाई उडान, करियर र ल्यान्डिङको समयमा समर्थन गर्दछ।
फर्किएको विमान बोइङ B737-800 मोडेलको थियो । जुन आइतबारको दुर्घटनाग्रस्त विमानको मोडेल हो । जेजू एयरको बेडमा रहेका ४१ विमानमध्ये ३९ वटा यो मोडेलका छन् ।
आइतबारको घातक दुर्घटनापछि, बोइङले भनेको छ कि उनीहरूले जेजू एयरसँग सम्पर्क गरेका छन् । उनीहरुलाई सहयोग गर्न तयार रहेको बताएका छन ।
उडान का १७९ जना यात्रीहरू ३ देखि ७८ वर्षका थिए । यद्यपि अधिकांश ४०, ५० र ६० वर्षका थिए ।
मृतकहरूमध्ये दुई थाई नागरिक पनि छन् र अरु सबै दक्षिण कोरियाली नागरिक भएको अधिकारीहरूले बताएका छन् ।