एम्बुसमा परेर गृह मन्त्रालयका १४ कर्मचारीको मृत्यु
प्रकाशित मिति : पुस १०, २०८१ बुधबार
TOPSHOT – Items belonged to Russian soldiers remain near a destroyed Russian convoy ambushed by the Ukrainian army in the recently retaken town of Lyman in Donetsk region, on October 5, 2022, amid the Russian invasion of Ukraine. (Photo by Yasuyoshi CHIBA / AFP)
सिरियाका अपदस्थ राष्ट्रपति बसर अल असदका वफादार सेनाहरूले थापेको एम्बुसमा परेर गृह मन्त्रालयका १४ कर्मचारीको मृत्यु भएको छ । १० जना घाइते भएका छन् ।
सिरियाका नयाँ विद्रोही नेतृत्व भएका अधिकारीहरूले मंगलबार भूमध्यसागरको बन्दरगाह टार्टस नजिकै यो झडप भएको बताएका हुन । सुरक्षा फौजहरू दमास्कस नजिकैको सैदनाया जेलमा एक पूर्व अधिकारीलाई पक्राउ गर्न खोज्दा उनीहरूलाई एम्बुसमा पारिएको थियो ।
दुई साताअघि मात्र इस्लामवादी हयात तहरीर अल(शाम ९एचटीएस० समूहको नेतृत्वमा विद्रोही सेनाले असदको शासन समाप्त गरेको थियो । बेलायतस्थित सिरियन अब्जर्भेटरी फर ह्युमन राइट्स (एसओएचआर) का अनुसार, झडपमा तीन विद्रोही पनि मारिएका छन् ।
एउटा अलावाइट तीर्थस्थलमाथि आक्रमण भएको देखिएको भिडियो सार्वजनिक भएपछि असन्तोष फैलिएको थियो । जुन भिडियो पुरानो भएको त्यहाँको गृहमन्त्रालयले बताएको छ ।
अलावाइट समुदाय, जसबाट असद परिवार उत्पन्न भएको हो । जसमा पूर्व शासनका धेरै राजनीतिक र सैन्य नेतृत्वका व्यक्ति आवद्ध छन । सिरियामा यी अल्पसंख्यक हुन् ।
एचटीएस नेतृत्वको आक्रमणले उत्तरपूर्व सिरियाबाट सुरु हुँदै देशभर फैलिएको थियो । असद परिवारको ५० वर्षभन्दा लामो शासन अन्त्य गरेको थियो ।
असद र उनको परिवार रूस भाग्न बाध्य भएका छन् । एचटीएसले सिरियाका धेरै धार्मिक र जातीय अल्पसंख्यकहरूको अधिकार र स्वतन्त्रता संरक्षण गर्ने वाचा गरेको छ ।
एचटीएसलाई संयुक्त राष्ट्रसंघ, अमेरिका, युरोपेली संघ, बेलायतलगायतका देशहरूले आतंकी संगठनको रूपमा सूचीबद्ध गरेका छन् ।
मंगलबार क्रिसमसको वृक्ष जलाइएको घटनापछि देशमा प्रदर्शन भएको थियो । जसले नयाँ प्रशासनले अल्पसंख्यकहरूको सुरक्षामा ध्यान दिनुपर्ने माग पुनः उठाएको छ ।