सिड्नीको पश्चिमी क्षेत्रबाट नेपाली युवा सन्तोष मैनाली बेपत्ता, प्रहरी खोजीमा
प्रकाशित मिति : पुस ८, २०८१ सोमबार
सिड्नीको पश्चिमी क्षेत्रबाट २४ वर्षीय नेपाली युवा बेपत्ता भएको प्रहरीले जनाएको छ । सन्तोष मैनाली नामका यी युवकलाई २१ डिसेम्बर २०२४ शनिबार लगभग साँझ ५ बजे ह्यारीस पार्कको विग्राम स्ट्रिटस्थित एक रेष्टुरेन्टमा अन्तिम पटक देखिएको थियो।
त्यसपछि उनीसँग कुनै सम्पर्क नभएको र २३ डिसेम्बर २०२४ सोमबार राति लगभग ११ बजे कंबरल्याण्ड पुलिस एरिया कमाण्डमा हराएको रिपोर्ट दर्ता गरिएको प्रहरीले जनाएको छ । प्रहरी टोलीले उनलाई फेला पार्ने प्रयास जारी राखेको जनाएको छ।
सन्तोष मैनालीको बारेमा प्रहरी गम्भीर रुपमा चिन्तित भएको जनाएको छ । लगभग १७२ सेमी उचाई, मध्य स्तरको बनोट र छोटो कालो कपाल भएका उनलाई अन्तिम पटक देख्दा एनवाईसी लेखिएको रातो सिङ्लेट र पहेंलो भेस्ट लगाएका थिए।
सन्तोष मैनालीलाई ह्यारीस पार्क, बुरवुड, स्ट्राथफिल्ड र हर्स्टभिल क्षेत्रहरूमा प्राय देखिने स्थानहरूमा परिचित रहेको जनाइएको छ । सन्तोषको बारेमा कुनै जानकारी भएमा १८०० ३३३ ००० मा क्राइम स्टपर्सलाई सम्पर्क गर्न अनुरोध गरिएको छ ।
सबै जानकारी गोप्य राखिने साथै प्रहरीलाई सामाजिक सञ्जाल मार्फत जानकारी नदिन आग्रह गरिएको छ।