जर्मनीमा सरकार ढल्यो , २३ फेब्रुअरीमा नयाँ चुनाव हुने
प्रकाशित मिति : पुस १, २०८१ सोमबार
German Chancellor Olaf Scholz arrives for the cabinet meeting at the chancellery in Berlin, Germany, Wednesday, June 5, 2024. (AP Photo/Markus Schreiber)
जर्मन चान्सलर ओलाफ शोल्जले नेतृत्व गरेको सरकार विघटन भएको छ । संसदबाट विश्वासको मत गुमाएपछि सरकार ढलेको हो ।
सरकार ढलेसंगै २३ फेब्रुअरीमा नयाँ चुनावको मिति घोषणा गरिएको छ । चान्सलर शोल्जले संसद भंग गर्न राष्ट्रपति फ्र्याङ्क वाल्टर स्टाइनमायरसँग अनुरोध गरेका छन ।
त्यहाँको संबिधान अनुसार संसद बिघटन भएको ६० दिनभित्र नयाँ चुनाव गरिसक्नु पर्ने प्रावधान रहेको छ । संसदलाई चान्सलरले बिश्वास छैन भन्ने प्रस्ताव पेश गरेपछि उहाँको पक्षमा ३९४ मत परेको थियो । ११६ जना सांसद तटस्त बसेका थिए ।
मेरो उद्देश्य संघीय चुनावलाई अगाडि सार्नु हो शोल्जले संसदलाई सम्बोधन गर्दै “यो हाम्रो देशप्रतिको विश्वास र भविष्यलाई जोखिममा नराख्ने विषय हो ” भने।
उनले देशको भविष्यमा विश्वास जगाउन आफ्नो प्रयास भएको बताएका छन्। “जर्मनीको उत्कृष्ट दिनहरू अझै आउन बाँकी छन्,” शोल्जले जोड दिए।
शोल्जको गठबन्धन नोभेम्बरमा भंग भएको थियो । वित्तमन्त्री क्रिस्टियन लिन्दनरलाई ऋण व्यवस्थापनसम्बन्धी गहिरो विवादका कारण बर्खास्त गरेपछि सरकार छोडेका थिए।
यस घटनाले जर्मनीलाई गहिरो आर्थिक संकट र भूराजनीतिक अनिश्चितताको समयमा शोल्जको समाजवादी एसडीपी र ग्रीन पार्टीको अल्पमतको सरकारमा छोडिदियो।
नयाँ प्रशासन गठन नभएसम्म शोल्ज सरकार प्रमुखको भूमिकामा कायम रहनेछन्। संसदमा आधा घण्टाको सम्बोधनमा शोल्जले समयअगावै चुनावको लागि गरेको निणर्यको बचाउ गरेका छन ।
प्रतिपक्षी क्रिश्चियन डेमोक्र्याटिक युनियन सीडीयू का प्रमुख फ्रिड्रिख मर्जले चुनावलाई सरकारविरुद्ध मतदान गर्ने अवसरका रूपमा व्याख्या गरेका छन ।
चुनाव अभियान संसदको मतदान अघि नै अनौपचारिक रूपमा सुरू भएको छ। सबै दलहरूले जीवनयापनको महँगाई र युक्रेनको विषयमा भएको गतिरोधबाट असन्तुष्ट मतदाताहरूलाई आकर्षित गर्न संघर्ष गरिरहेका छन्।
चुनावअघि जर्मन राजनीति लम्बिँदै जाने अनुमान गरिएको छ । जसमा सम्भावित नयाँ सरकार साझेदारहरूको बीचमा बलियो सहमति बनाउन समय लाग्ने देखिएको छ।