इजरायली हवाई आक्रमणमा हिजबुल्लाहका मिडिया प्रमुख मोहम्मद अफिफ मारिए
प्रकाशित मिति : मंसिर ३, २०८१ सोमबार
XINHUA PHOTOS OF THE DAY
लेबनानको बेरुत सहरमा इजरायली हवाई आक्रमणमा हिजबुल्लाहका मिडिया प्रमुख मोहम्मद अफिफ मारिएका छन् ।
हिजबुल्लाहले उनको मृत्युको पुष्टि गरेको हो ।
लेबनानको स्वास्थ्य मन्त्रालयले इजरायली आक्रमणमा चार जनाको मृत्यु भएको बताए पनि को को मारिए भन्ने बताएको छैन।
हिजबुल्लाहका मोहम्मद अफिफ सार्वजनिक रूपमा देखिने थोरै मध्येमा एक थिए। अफिफ अन्तिम पटक गत सोमबार पत्रकार सम्मेलनमा देखिएका थिए ।
इजरायली आक्रमणमा १४ जना घाइते भएको लेबनानको स्वास्थ्य मन्त्रालयले जनाएको छ ।
इजरायल डिफेन्स फोर्स (आईडीएफ) ले आइतवार लेबनानको दक्षिणी उपनगरहरूमा हिजबुल्लाहको छ वटा स्थानमा आक्रमण गरेको बताएको छ।
इजरायलले गत हप्तादेखि आफ्नो आक्रमणलाई तीव्र पारेको छ। यसअघि हिजबुल्लाह नेता हसन नसरल्लाह पनि इजरायली आक्रमणमा मारिएका थिए।