ह्यारिसद्धारा समर्थकलाई संबोधन : निराश नहुनु , संघर्ष बाँकी छ
प्रकाशित मिति : कार्तिक २१, २०८१ बुधबार
Democratic presidential nominee Vice President Kamala Harris speaks at a campaign rally in Savannah, Ga., Thursday, Aug. 29, 2024. (AP Photo/Jacquelyn Martin)
उप–राष्ट्रपति कमला ह्यारिसले आफना समर्थकहरुलाई निराश नहुन आग्रह गर्नुभएको छ । आफ्नो अध्ययनस्थल हावर्ड विश्वविद्यालयबाट सम्बोधन गर्दै उहाँले आफ्ना समर्थकहरूलाई निराश नहुन र यो अभियानलाई प्रेरित गरेको संघर्षलाई जारी राख्न आग्रह गर्नुभएको हो ।
यो चुनावको परिणाम हाम्रो चाहना अनुसार भएन, हाम्रो संघर्ष र हाम्रो मतको सम्मान भएन, तर मेरो कुरा सुन्नुहोस्, जबसम्म हामी हार मान्दैनौं र लडाई जारी राख्छौं, अमेरिका सधै उज्यालो रहनेछ ।
ह्यारिसले चुनाव परिणामलाई स्वीकार्नुपर्नेमा जोड दिनुभयो । ट्रम्पसँग शान्तिपूर्ण सत्ताको हस्तान्तरणको लागि प्रतिबद्ध रहेको बताउनु भयो ।
उहाँले भन्नुभयो अमेरिकी प्रजातन्त्रको आधारभूत सिद्धान्त चुनाव हार्नेले परिणाम सहर्ष स्वीकार गर्नु हो । एकाधिकार र प्रजातन्त्रबिचको फरक यहि हो जसलाई अमेरिकनहरुले सधै सम्मान गर्ने गर्दछन ह्यारिसले भन्नुभयो ।
उहाँले राष्ट्रले राष्ट्रपतिमा नभई संविधान, आफ्नो विवेक र ईश्वरप्रति वफादारी राख्नुपर्नेमा जोड दिनुभयो । यो चुनावमा मैले हार स्वीकार गरें, तर यो अभियानलाई प्रेरित गरेको लडाइँलाई हार मान्दिन ह्यारिसले भन्नुभयो ।
उप–राष्ट्रपतिले प्रजातन्त्र, कानूनको शासन र समान न्यायको लागि संघर्ष जारी राख्ने प्रतिज्ञा गर्नुभयो । ह्यारिसले ट्रम्पलाई फोन गरी चुनाव जितेकोमा बधाई दिनुभएको थियो ।
उहाँले उपराष्ट्रपतिका रूपमा ६ जनवरीमा संयुक्त सत्रमा इलेक्टोरल मतहरूको गणना गर्ने र ट्रम्पको विजयलाई प्रमाणित गर्नुहुनेछ ।
ट्रम्प अभियानका प्रवक्ता स्टिभन चेउङले फोन कलको क्रममा ट्रम्पले ह्यारिसको साहस, पेशागत व्यवहार र अभियानको दौरानमा देखाएको दृढतालाई सम्मान गरेको उल्लेख गर्नुभयो । दुवै नेताहरूले देशलाई एकताबद्ध राख्ने महत्त्वमा सहमति जनाएका थिए ।
राष्ट्रपति जो बाइडेनले पनि ह्यारिसलाई फोन गरेर ऐतिहासिक अभियानको लागि बधाई दिनुभएको छ । ट्रम्पसँग पनि कुरा गर्दै शान्तिपूर्ण सत्ता हस्तान्तरण सुनिश्चित गर्ने प्रतिबद्धता जनाउनु भएको छ ।