बिपि जयन्तीमा न्युयोर्कमा रक्तदान


प्रकाशित मिति : भाद्र २७, २०७४ मंगलबार

बिपि कोईरालाको १०४ औं जन्मजयन्तीका अवसरमा आयोजना गरिएको रक्तदान कार्यक्रममा ६० जनाले रगतदान गरेका छन् ।

न्युयोर्कमा जनसम्पर्क समिति लङआईल्याण्ड च्याप्टरले आयोजना गरेको उक्त कार्यक्रममा ६० जनाले रक्तदान गरेका हुन् । कार्यक्रममा जनसम्पर्क समिति सभापति आनन्द विष्ट, पूर्व संयोजक विष्णु सुवेदी, जनसम्पर्क समितिका संगठन प्रमुख वेदप्रसाद खरेल, केन्द्रिय सदस्य परमानन्द खनाल, रिजउड नेपाली समाजका अध्यक्ष रविकिरण कोइराला लगायत सहभागि थिए ।

प्रवासमा रहेर पनि समाजसेवालाई निरन्तरता दिनुपर्छ भन्ने मनशायले रक्तदान कार्यक्रमको आयोजना गरिएको च्याप्टर सभापति विश्वराज बास्तोलाले जानकारी दिए । उनले भने, खेर जाने रगत अरुका लागि काम लाग्छ भन्ने हामी सबैमा चेतना हुनुपर्छ, हामीले यही मान्यता अनुरुप यो कार्यक्रमको आयोजना गरेका हौं ।

यस्तै कार्यक्रममा जनसम्पर्क समितिका अन्य च्याप्टर र सर्वसाधारणको समेत उपस्थिति रहेको बास्तोलाले जानकारी दिए । उनले कार्यक्रमका उपस्थित हुने सबैमा धन्यवाद ज्ञापन गरेका छन् । रक्तदान कार्यक्रमसंगै आयोजना गरिएको औपचारिक कार्यक्रममा उपस्थित कांग्रेस नेताहरुले विपिको समाजवादको ब्याख्या गरेका थिए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com