ट्रम्प भन्नुहुन्छ : अमेरिका गलत दिशामा गइरहेको छ
प्रकाशित मिति : कार्तिक १२, २०८१ सोमबार
Republican presidential nominee former President Donald Trump speaks during a campaign rally at Thomas & Mack Center, Thursday, Oct. 24, 2024, in Las Vegas. (AP Photo/Alex Brandon)
अमेरिकाका पूर्व राष्ट्रपति र रिपब्लिकन पार्टीका उम्मेदवार डोनाल्ड ट्रम्पले अमेरिका गलत दिशामा गइरहेको बताउनु भएको छ ।
जर्जिया राज्यमा भएको कार्यक्रममा ट्रम्पले भन्नुभयो : अमेरिका गलत दिशामा गइरहेको छ, र धर्म नै त्यो कड़ी हो जसले अमेरिकालाई एकताबद्ध राखेको छ ।
यस अवसरमा ट्रम्पले जुलाईमा आफू माथी भएको आक्रमणको स्मरण गर्दै भन्नुभयो यो चमत्कार नै हो किनकी म अहिले पनि बोल्न सकिरहेको छु ।
उहाँले कमला ह्यारिस अयोग्य र राम्रो व्यक्ति नभएको आरोप लगाउनु भयो । उहाँले यो आरोप प्रायस कार्यक्रममा ह्यारिसबिरुद्ध लगाइरहनु भएको छ ।
पूर्व प्रमथ महिला मिचेल ओबामालाई ट्रम्पले दुष्टको संज्ञा दिनुभयो । मिचेल ओबामाले ट्रम्पलाई अत्यन्तै अयोग्य उम्मेदवार भन्दै आलोचना गर्नुभएको थियो ।
उता डेमोक्र्याटिक पार्टीकी उम्मेदवार कमला ह्यारिसले आफु मानसिक परीक्षणका लागि तयार रहेका भन्दै ट्रम्पलाई पनि यस्तो परीक्षण गर्न चुनौती दिनुभएको छ ।
अमेरिकामा राष्ट्रपति चुनावको मतदान ५ नोभेम्बरमा हुनेछ । यस चुनावमा रिपब्लिकन पार्टीबाट डोनाल्ड ट्रम्प उम्मेदवार रहनु भएको छ भने डेमोक्र्याटिक पार्टीले कमला ह्यारिसलाई आफ्नो उम्मेदवार बनाएको छ । कमला ह्यारिस हाल अमेरिकाकी उपराष्ट्रपति पनि हुन्।