अक्टोबर १० देखि ह्यारिसको चुनावी मोर्चाको नेतृत्व पूर्व राष्ट्रपति ओवामाले गर्ने
प्रकाशित मिति : आश्विन १८, २०८१ शुक्रबार
Former President Barack Obama hugs Vice President Kamala Harris during an Affordable Care Act event with President Joe Biden, Tuesday, April 5, 2022, in the East Room of the White House. (Official White House Photo by Adam Schultz)
पूर्व राष्ट्रपति बराक ओबामा उपराष्ट्रपति कमला ह्यारिस र मिनेसोटाका गभर्नर टिम वाल्जको लागि आउँदो अक्टोबर १० देखि चुनावी अभियानमा सहभागि हुनुहुने भएको छ ।
डेमोक्रयाटीक पार्टीको तर्फबाट ह्यारिस राष्ट्रपति रटिम वाल्ज उपराष्ट्रपति पदको उम्मेदवार हुनुुहुन्छ ।
एक वरिष्ठ अभियान अधिकारीका अनुसार पहिलो कार्यक्रम पेनसिल्भेनियाको पिट्सबर्ग क्षेत्रमा हुनेछ । त्यसपछि ओबामाले निर्णायक राज्यहरूमा अभियानको नेतृत्व गर्नुहुनेछ ।
ओबामाले सेप्टेम्बरमा लस एन्जलसमा ह्यारिसको लागि कोष संकलन कार्यक्रम गर्नुभएको थियो । पूर्व प्रथम महिला मिशेल ओबामासँगै अगस्टमा डेमोक्रेटिक राष्ट्रिय सम्मेलनमा बराक ओवामाले भाषण दिनुभएको थियो ।
यसैबीच, उपराष्ट्रपति ह्यारिसले हालै बिहीबार विस्कन्सिनमा एक र्यालीमा पूर्व रिपब्लिकन सांसद लिज चेनीको सहयोग पाउनु भएको थियो ।
चेनी केही प्रमुख रिपब्लिकनमध्ये एक हुन् । उहाका पिता, पूर्व उपराष्ट्रपति डिक चेनी ले पनि ह्यारिसको पक्षमा समर्थन जनाइसक्नु भएको छ ।
तर ट्रम्पका सबैभन्दा कडा आलोचकहरूमध्येकी चेनीको समर्थन ह्यारिसले विशेषगरी विस्कन्सिनजस्ता निर्णायक राज्यहरूमा उपयोग गर्न खोजिरहेको देखिन्छ । जहाँ चुनावको मतान्तर निकै कम हुने अपेक्षा गरिएको छ ।
ओबामाले चार वर्षसम्मको हल्ला, भ्रम र अराजकता चाहिएको छैन भन्नुभएको थियो । अमेरिकामा नोभेम्बर ५ मा चुनाव हुदैछ ।