लेबनानमा स्थलगत आक्रमण गर्ने इजरायलको तयारी , अमेरिका बिपक्षमा
प्रकाशित मिति : आश्विन ९, २०८१ बुधबार
इजरायलले लेबनानको हिजबुल्लाह विरुद्ध स्थलगत आक्रमणको तयारी गरेको छ । इजरायलका सैन्य प्रमुखले सम्भावित स्थलगत आक्रमणको तयारी गर्न निर्देशन दिनुभएको हो ।
तर अमेरिकी राष्ट्रपति जो बाइडेनले मध्यपूर्वमा पूर्ण युद्ध को पक्षमा नरहेको भन्दै इजरायललाई चेतावनी दिनुभएको छ ।
उत्तरी क्षेत्रका बासिन्दाहरू सुरक्षित रूपमा आफ्ना घर फर्कन सक्ने अबस्था नआउदा सम्म लेबनानमा रहेको हिजबुल्लाह बिरुद्ध हमला जारी राख्ने प्रधानमन्त्री बेन्जामिन नेतन्याहूले चेतावनी दिनुभयो ।
इजरायलको चेतावनी हिजबुल्लाहले तेल अभिव बाहिरको इजरायली मोसाद जासूस एजेन्सीको मुख्यालयलाई लक्षित गरेको दाबी गरेपछि आएको हो ।
यो गाजा युद्धले उत्पन्न गरेको वर्षदिन लामो सीमा पार संघर्षको पहिलो पटक हो । जब हिजबुल्लाहले ब्यालिस्टिक मिसाइल प्रहार गरेको थियो ।
लेबनानका स्वास्थ्य मन्त्रीका अनुसार, इजरायली प्रतिकार आक्रमणले ५१ जनालाई मारेको र २२३ जनालाई घाइते बनाएको छ ।
जसमा हिजबुल्लाहको परम्परागत आधार क्षेत्रभन्दा बाहिरका पहाडी क्षेत्रमा पनि मानवीय क्षति भएको छ । हिजबुल्लाहको ६० गोप्य सूचना केन्द्रहरू सहित सयौं स्थानहरूमा आक्रमण गरेको इजरायलले बताएको छ ।
राष्ट्रपति बाइडेनले इजरायलका सैनिकहरूलाई सम्भावित स्थलगत कारबाहीको तयारी गरिएको भन्दै यसले पूर्ण युद्ध निम्त्याउन सक्ने भन्दै त्यसो नगर्न चेतावनी दिनुभयो ।
बाइडेनले भन्नुभयो यो क्षेत्रमा समाधानको लागि अवसर अझै बाँकी छ । बाइडेनले लेबनान युद्धविरामको संभावना छ, तर यसलाई अतिरञ्जित गर्न चाहन्न भन्नुभयो ।
इजरायलले बुधबार दुईवटा रिजर्भ ब्रिगेडहरूलाई परिचालनमा बोलाएको छ । यो उत्तरको क्षेत्रमा हिजबुल्लाहसँगको युद्ध जारी राख्न मद्दत गर्नको लागि बोलाइएको हो ।