लामो दुरीका हतियारमा लगाइएको प्रतिबन्ध नहटाउन अमेरिका र नेटोलाई पुटिनको चेतावनी
प्रकाशित मिति : भाद्र २८, २०८१ शुक्रबार
Russian President Vladimir Putin speaks during a meeting with Science and Higher Education Minister Valery Falkov at the Kremlin in Moscow, Russia, Monday, July 1, 2024. (Vyacheslav Prokofyev, Sputnik, Kremlin Pool Photo via AP)
रुसी राष्ट्रपति भ्लादिमिर पुटिनले नाटो गठबन्धनका नेताहरुलाई युद्ध सुरुहुन सक्ने चेतावनी दिनुभएको छ ।
अमेरिका र युरोपेली देशका नेताहरुलाई चेतावनी दिदै पुटिनले युक्रेनलाई लामो दुरीका मिसाइलहरुको प्रतिबन्ध हटाए त्यसको नतिजा राम्रो नहुने बताउनु भएको हो ।
यदि उनीहरुले प्रतिबन्ध हटाउछन भने हामीले बुझनु पर्दछ कि रुस , अमेरिका र युरोपका देशहरुबिचमा युद्ध सुरु भयो पुटिनले भन्नुभयो ।
रुसको भित्रिभाग सम्मलाई लक्षित गरेर मार हान्न सक्ने मिसाइलहरु युक्रेनलाई सहयोग गर्ने र प्रतिबन्धहरुलाई हटाउने बिषयमा अमेरीका र युरोपका देशहरुले संकेत गरिरहेका बेला पुटिनको चेतावनी बाहिर आएको हो ।
पुटिले भन्नुभयो हामीमाथी प्रहार हुन्छ भने सुरक्षा र प्रतिरोधका लागि रुस सक्षम छ । लामो दुरीका पश्चिमा मिसाइलहरुमाथीको प्रतिबन्ध हटाउनु भनेको युद्धको कार्य मानिने छ उहाँले भन्नुभएको छ ।
युक्रेनले लामो दुरीका मिसाइल प्रयोगमा लगाएको प्रतिबन्ध हटाउन आग्रह गरिरहेको छ । अमेरिका र पश्चिमा देशहरुले सकारात्मक संंकेत देखाइरहेका छन ।
इरानमा निर्मित हतियारहरु रुसले प्रयोग गरेको पुष्टि भएको भन्दै अमेरिका र पश्चिमा देशहरुले युक्रेनलाई थप सहयोग गर्ने र कायम रहेका प्रतिबन्धहरु हटाउने तयारी थालेका छन ।
युक्रेनको भ्रमण सकेर अमेरिकी बिदेशमन्त्री एन्टोनी व्लिन्केन स्वदेश फर्किनु भएपछि घटनाक्रमहरु थप बिकसित हुदैगएका हुन ।
व्लिन्केनको पछिल्लो भ्रमणले युक्रेनका साझेदारहरु अमेरिका र नाटोबिचको रणनैतिक सम्बन्धलाई थप बलियो बनाएको देखिएको छ ।
अमेरिकी राष्ट्रपति जो बाइडेनले अमेरिकामा बनेका र अमेरिकी पाटपुर्जा प्रयोग भएका लामो दुरीका हतियार युक्रेनको सिमापारसम्मको प्रहारलाई अनुमति अहिले सम्म दिनुभएको छैन । द्धन्द्धले फरक रुप लिने हो कि भन्ने चिन्ता अमेरिकालाई रहेको देखिन्छ ।