राजपाले माओवादीसँग माफी माग्यो

नेपाल डेस्क

प्रकाशित मिति : भाद्र २४, २०७४ शनिबार

काठमाडौं, २४ भदौं । संघीयताको मुद्धालाई स्थापित गरेर कार्यान्वयन गर्ने मुख्य शक्ति नेकपा माओवादी केन्द्र नै हो । र, मधेसवादी दलले त्यही संघीयताको मुद्धा अघि सारेर माओवादीको पछि–पछि आन्दोलन गरिरहेको सत्य हो । यो अर्थमा, माओवादी र मधेसवादीको मुद्दा एउटै हो । तर, केही दिन अगाडी भने राष्ट्रिय जनता पार्टीले माओवदीलाई संघीयता विरोधी कित्तामा राख्यो । जुन कुराको चौतर्फी आलोचना भयो । अन्तत राजपाले आफ्नो गल्ती स्वीकार्दै माओवादीसँग माफी मागेको छ ।

केही दिन अगाडी राष्ट्रिय जनता पार्टीले तेस्रो चरणको स्थानीय तह निर्वाचनका लागि घोषणापत्र सार्वजनिक गरेको थियो । जुन घोषणापत्रमा नेपाली राजनीतिलाई व्याख्या गर्ने प्रयत्न गरिएको छ । जारी घोषणा पत्रमा कांग्रेसलाई मधेश मैत्री नभएको आरोप लगाइएको छ भने एमालेलाई मधेशी र संघीयताको प्रखर विरोधीका रुपमा चित्रण गरिएको छ । अधिनायक र सर्वसत्तावादमा विश्वास राख्ने हुनाले माओवादी केन्द्रको मुल चरित्र संघीयता विरोधी रहेको राजपाको घोषणापत्रमा उल्लेख छ । संघीयताकै लागि संघर्ष गरेको माओवादीलाई नै संघीयता विरोधी भनिएपछि राजपाको व्यापाक आलोचना भयो । अन्तत: राजपा माओवादीसँग माफी माग्न बाध्य भएको छ । राजपाका अध्यक्ष मण्डल सदस्य शरदसिंह भण्डारीले माओवादीलाई संघीयता विरोधी कित्तामा राख्नु गल्ती भएको भन्दै माफी मागेका हुन ।

एबीसी न्यूजको कार्यक्रम आउट लुकमा कुरा गर्दै अध्यक्ष मण्डलका सदस्य भण्डारीले नेकपा माओवादी केन्द्र र मधेस आन्दोलनको सम्बन्धबारे लामो व्यख्या गरेका छन् । गौर हत्याकाण्ड लगायतका घटना स्मरण गर्दै नेता भण्डारीले पछिल्लो समय माओवादी र मधेसवादीबीचको सम्बन्ध अत्यन्तै राम्रो रहेको दावी समेत गरेको छन् । माओवादी संघीयता विरोध भए मधेसवादी दल पनि त्यही कित्ताको हुने व्यख्या गर्दै नेता भण्डारीले मुद्धा मिल्ने पार्टी नै माओवादी रहेको दावी गरेका छन् ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]

माओवादीलाई संघीयता विरोधी भनिएपछि घोषणापत्र सार्वजनिक गर्ने क्रममा राजपाका नेताहरुबीच मत बाझिएको थियो । अध्यक्ष मण्डलका सदस्य राजेन्द्र महतोले माओवादी केन्द्र लोकतान्त्रिक दल भएकोले संघीयता विरोधी भन्न नमिल्ने बताएका थिए । अध्यक्ष मण्डलका अन्य सदस्यहरुले समेत माओवादी प्रतिको व्यख्या गलत भएको भन्दै घोषणापत्र लेख्नेहरुको आलोचना गरेका थिए । राष्ट्रिय जनता पार्टीका अध्यक्ष मण्डल सदस्य शरदसिंह भण्डारीसँग गरिएको कुराकानी आज सनिबार राती ९ बजे कार्यक्रम आउट लुकमा हेर्न सक्नुहुने छ ।