वेस्ट बैङ्कमा अमेरिकी नागरिकको गोली लागेर ज्यान गयो , छानबिन गर्न विदेशमन्त्रीको आग्रह
प्रकाशित मिति : भाद्र २१, २०८१ शुक्रबार
Israeli forces, dispatched to the border with Gaza in southern Israel, scan the area near Ashdod on October 8, 2023 as the battle against holdout Hamas fighters continues. Israel also pounded targets in the Gaza Strip on October 8 as Prime Minister Benjamin Netanyahu warned of a “long and difficult” war ahead after Hamas Palestinian militants launched a massive surprise attack the previous day. (Photo by GIL COHEN-MAGEN / AFP)
वेस्ट बैङ्कमा अमेरिकी नागरिकको गोली लागेर ज्यान गएको छ । प्यालेस्टिनी अस्पतालका एक अधिकारीले कब्जा गरिएको वेस्ट बैङ्कमा एक अमेरिकी नागरिकको टाउकोमा गोली लागेर मृत्यु भएको बताएका छन् । मृतक २६ बर्षिय आयसेनुर इज्गी एगी नाब्लस रहेको बताइएको छ ।
उनी संग अमेरिका र टर्कीको दोहोरो नागरिकता भएको फेला परेको छ । प्यालेस्टाइनको सरकारी समाचार संस्था वाफाका अनुसार मारिएका अभियन्ता गाजा पट्टीमा जारी युद्धसँगै पश्चिम किनारामा बढेको इजरायली बसोवासी हिंसाबाट किसानहरूलाई जोगाउन ‘फाजा’ नामक एक अभियानमा संलग्न हुनुहुन्थ्यो ।
इजरायल डिफेन्स फोर्स (आईडीएफ) ले उक्त क्षेत्रमा बन्दुकको गोली लागेर एक विदेशी नागरिकको मृत्यु भएको रिपोर्टको अनुसन्धान गरिरहेको बताएको छ ।
प्रदर्शनमा संलग्न अन्य व्यक्तिहरूले इग्गीले अन्तर्राष्ट्रिय एकता आन्दोलनसँगको प्रदर्शनमा भाग लिएको यो पहिलो पटक भएको बताएका छन । अन्तर्राष्ट्रिय एकता आन्दोलन प्यालेस्टाइन समर्थक समूह हो ।
अमेरिकी विदेशमन्त्री एन्टोनी ब्लिन्केनले घटनालाई दुःखद भन्नुभएको छ । टर्कीका राष्ट्रपति रेसेप तैयप एर्दोगानले इजरायली कारबाहीलाई बर्बर को संज्ञा दिनुभएको छ ।
ह्वाइट हाउसले यस सम्बन्धमा कुनै आरोप लगाएको छैन । तर इजरायललाई यस विषयमा छानबिन गर्न भने आग्रह गरेको छ ।
अक्टोबर ७ मा हमासले दक्षिणी इजरायलमा अकस्मात गरेको आक्रमणपछि इजरायली सेना र स्थानीयबासीले वेस्ट बैङ्कमा कम्तीमा ६६१ जना प्यालेस्टिनीको हत्या गरिसकेको प्यालेस्टिनी स्वास्थ्य मन्त्रालयले जनाएको छ ।