उत्तर कोरियाले गर्यो आणविक परीक्षण

प्रकाशित मिति : भाद्र २४, २०७३ शुक्रबार

उत्तर कोरियाले आज आणविक वम परीक्षण गरेको छ । यो परीक्षणले पाँच दशमलव तीन रेक्टर भूकम्प बराबरको कम्पन ठूलो भूगागमा गएको अन्तराष्ट्रिय समाचार संस्थाहरुले जनाएका छन् ।अन्तराष्ट्रिय संचार माध्यमहरुका अनुसार शुक्रबार बिहान गरिएको आणविक वम परीक्षणको उत्तर कोरियाले औपचारिक घोषणा गरेको छैन । सो परीक्षणमा दश किलोटनको बम विष्फोट गराइएको थियो ।

युएस जियोलोजिकल सर्भेले उत्तर कोरियामा पाँच दशमल एक रेक्टरको कम्पन गतिविधि तत्काल रेकर्ड गरेको भन्दै सो कम्पन भौगर्भिक कारणले नभएर विष्फोटको कारणले भएको जनाएको छ । परीक्षणको तत्कालै जापानको भौगर्भिग निकायले पनि उत्तर कोरियामा रेकर्ड गरिएको कम्पन भूकम्पीय नभएर विष्फोटको कारणले भएको जनाएको छ ।आज उत्तर कोरियामा स्थापना दिवस मनाईंदैछ । आजकै दिन उत्तर कोरियामा अहिलेका शाषकका हजुरबुबा सत्तामा पुगेका थिए । यो परीक्षण त्यही कारण गरिएको विश्वास गरिएको छ ।

आणविक वम परीक्षण गरिनासाथ जापानी प्रधानमन्त्री सिन्जो आवेले परीक्षणको कडा शब्दमा भतर््सना गरेका छन् । त्यसैगरी भूगोल जोडिएको छिमेकी दक्षिण कोरियाले पनि परीक्षणको भत्र्सना गरेको छ । उत्तर कोरियाले आणविक परीक्षण गरेको खबर आउनासाथ दक्षिण कोरियाको सेयर बजारको सूचकांक व्हात्तै गिरेको छ भने अमेरिकी डलरको तुलनामा दक्षिण कोरियाली मुद्रा वनको भाउ पनि घटेको छ ।

उत्तर कोरियाले गरेको यो पाँचौं आणविक परीक्षण हो । आजको परीक्षण अहिलेसम्मकै ठूलो भएको जनाइएको छ । यसअघि गत जनवरीमा उत्तर कोरियाले हाइड्रोजन वम परीक्षण गरेको थियो । आणविक परीक्षण गरेपछि उत्तर कोरियालाई वर्षाैंदेखि संयुक्त राष्ट्रसंघले नाकावन्दी गरिरहहेको छ । नाकावन्दीको पर्वाह नगरी यो देशले पुन: आणविक परीक्षण गरेको हो ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com