प्रहरीको गोली प्रहारबाट रिपब्लिकन नेशनल कन्भेन्सन नजिक चक्कु बोकेका व्यक्तिको मृत्यु
प्रकाशित मिति : श्रावण १, २०८१ मंगलबार
Republican presidential candidate former President Donald Trump, applauds with Republican vice presidential candidate Sen. JD Vance, R-Ohio, during the Republican National Convention Tuesday, July 16, 2024, in Milwaukee. (AP Photo/Nam Y. Huh)
विस्कन्सिनको मिलाउकीमा रिपब्लिकन नेशनल कन्भेन्सन नजिकै दुईवटा चक्कु बोकेका एक व्यक्तिलाई प्रहरीले गोली हानी मारेका छन् । प्रहरी अधिकारीहरुले दुबै हातमा चक्कु भएको व्यक्तिलाई गोली हानेका थिए ।
उक्त व्यक्तिले प्रहरीको आदेशलाई अस्वीकार गरेको प्रहरीले गोली चलाउनु अगाडि एक निहत्था व्यक्तिलाई आक्रमण गरेको जनाइएको छ । घटनास्थलबाट दुईवटा चक्कु बरामद भएको प्रहरीले जनाएको छ । प्रहरीले बडी क्यामेरा फुटेज पनि जारी गरेको छ ।
प्रहरी अधिकारीहरुले चक्कु फ्याक्न आदेश दिंदा हतियारधारी व्यक्ति निशस्त्र व्यक्तितर्फ अघि बढेपछि प्रहरीले गोली चलाएको फुटेजमा देखाइएको छ । ओहायोका प्रहरी अधिकारीहरुले हतियारधारीमाथि गोली चलाएका थिए ।
सोमबार सुरु भएको र बिहीबार समापन हुने सम्मेलनको लागि थप सुरक्षा प्रदान गर्दै विभिन्न क्षेत्रका हजारौं अधिकारीहरू मिलाउकीमा छन्, जसमा विस्कन्सिनबाहिरका प्रहरी पनि खटिएका छन् ।
एक जना आफन्त र अन्यले मारिएका व्यक्तिलाई ४३ वर्षीय स्यामुएल शार्पको रूपमा पहिचान गरेका छन्। मिलाउकीका बासिन्दाहरू तुरुन्तै घटनास्थलमा जम्मा भएका थिए । उनीहरुले राज्यबाहिरको प्रहरी आएर गोली चलाएकोमा विरोध गरेका थिए । सार्पको हत्या भएको रगतले लतपतिएको स्थानमा करिब १०० जनाले मंगलबार राति दीप प्रज्वलन गरेका थिए ।