न्युयोर्कको क्वीन्समा ९ बर्षकी बालिकालाई साइकलमा बस्नलाई सोध्ने व्यक्तिको प्रहरीद्वारा खोजी
प्रकाशित मिति : असार ६, २०८१ बिहीबार
न्युयोर्कको क्वीन्समा ९ बर्षकी बालिकालाई आफ्नो साइकलमा बस्नलाई सोध्ने व्यक्तिको प्रहरीद्वारा खोजी भइरहेको छ । बिहीबार क्वीन्समा स्कूल जाँदै गरेकी ९ वर्षीया बालिकालाई ती व्यक्तिले आफूसँगै साइकलमा बस्नका लागि सोधेका थिए ।
ती बालिका बिहान ८ बजेतिर जमैका एभिन्यू र रिचमण्ड हिलको १०४ औं स्ट्रिट नजिकैको स्कुल जाँदै गर्दा साइकलमा सवार व्यक्ति उनको छेउमा आएका थिए । ती व्यक्तिले बालिकालाई आफूसँगै बाइकमा चढ्न भनेका थिए ।
तर बालिका दौडिएर आफ्नो विद्यालय पुगिन् । त्यसपछि प्रहरीलाई घटनाबारे जानकारी गराइएको थियो। उक्त व्यक्ति १०२ औं स्ट्रीटमा उत्तरतर्फ भागेको जनाइएको छ ।
प्रहरीले उक्त व्यक्तिको कालो कपाल भएको र अनुहारमा पनि रौं भएको व्यक्तिको रुपमा वर्णन गरेको छ। उसलाई अन्तिम पटक तारा र स्ट्रिपहरू भएको नीलो शर्ट र हल्का नीलो हाफ पाइन्ट लगाएको देखिएको थियो ।