न्युयोर्क सिटीमा म्यानहट्टन प्रिस्कूल बाहिर रोकेको गाडी १ बर्षको बच्चासहित चोरी
प्रकाशित मिति : असार ४, २०८१ मंगलबार
मङ्गलबार न्युयोर्क सिटीको म्यानहट्टन प्रिस्कूल बाहिर रोकिरहेको बेला १ वर्षीया बालिकासहितको एसयूभी कार चोरी भएको प्रहरीले जनाएको छ। अधिकारीहरूले बिहान ९ बजे लगत्तै वेष्ट १३४ औं स्ट्रीटमा कार चोरीको घटनाबारे जानकारी पाएका थिए ।
गाडी रातो र बरगण्डी रंगको न्युयोर्क राज्यमा दर्ता भएको होन्डा पाइलट थियो । प्रहरीको हेलिकप्टरले पछि प्रहरीको गाडीको बीचमा चोरी भएको गाडीको विवरणसँग मेल खाने गाडीको वरपर कब्जा गरेको थियो । पछि उक्त गाडी त्यही चोरी भएको गाडी भएको पुष्टी भएको थियो ।
घटनामा संलग्न भएको आशंकामा एक जनालाई नियन्त्रणमा लिइएको बताइएको छ । बालिकाको पनि सकुशल उद्धार गरिएको छ । अधिकारीहरूले खोजी गर्दा प्रहरीका गाडीहरूले पुल र टनेलहरू अवरुद्ध गरेको थियो ।
घटनाबारे थप विवरण उपलब्ध गराइएको छैन । चोरीको घटनाबारे थप अनुसन्धान भइरहेको प्रहरीले जनाएको छ ।