बङ्गलादेशले दिएको १ सय ७ रनको चुनौती पछ्याउदै गरेको नेपालको खराव सुरुवात
प्रकाशित मिति : असार २, २०८१ आईतबार
Nepal’s Kushal Bhurtel runs to score against the Netherlands during an ICC Men’s T20 World Cup cricket match at Grand Prairie Stadium in Grand Prairie, Texas, Tuesday, June 4, 2024. (AP Photo/Julio Cortez)
आइसिसी टि ट्वान्टी विश्वकप क्रिकेट प्रतियोगिताअन्तर्गत नेपालले बङ्गलादेशलाई एक सय ६ रनमा अलआउट गरेको छ ।
वेस्टइन्डिजको सेन्ट भिसेन्टस्थित अरनोस भाले रङ्गशालामा जारी खेलमा टस हारेर पहिला ब्याटिङको निम्तो पाएको बंगलादेश १९ दशमलव ३ ओभरमा सवै विकेट गुमाउँदै एक सय ६ रनमा समेटियो ।
यससँगै नेपालले नयाँ इतिहास रच्नको लागि एक सय सात रनको लक्ष्य पाएको छ । नेपालले हालसम्म टेस्ट टोलीलाई अहिलेसम्म हराउन सकेको छैन ।
खेलमा बङ्गलादेशका लागि सकिब अल हसनले २२ बलमा २ चौकासहित सर्वाधिक १७ रनको योगदान दिए । त्यस्तै रिशाद हसनले ७ बलमा १ चौका र १ छक्कासहित १३ रन जोडे ।
महमुदूल्लाह रियादले १३ बलमा दुई चौकाको सहायताले समान १३ रन नै जोडे । यसैगरी तक्किन अहमद र जाकेर अलीले समान १२ र१२ रन जोडे भने लिटन दासले १० रन बनाए ।
तोव्हीद ह्रिदोयले ९, कप्तान नाज्मुल हसन सान्टाले चार तथा तान्जिम हसन सकिब र मुस्तब फिजुर रहमानले समान ३।३ रन बनाए ।
बङ्गलादेशलाई सस्तैमा समेट्नेक्रममा नेपालका सोमपाल कामी, दीपेन्द्रसिंह ऐरी, सन्दीप लामिछाने र रोहितकुमार पौडेलले समान दुई दुई विकेट लिए ।
जवाफी ब्याटिङमा उत्रेको नेपालले खराव सुरुवात गरेको छ । १० ओभरको खेल सकिदा नेपालले ५ विकेटको क्षतिमा ४० रन बनाएको छ । बंगलादेशका तान्जिनले ७ रन खर्चेर नेपालका महत्वपुर्ण ४ बिकेट लिएपछि नेपाल दवावमा परेको हो ।