युक्रेनका लागि ५० अर्ब डलर ऋण प्रदान गर्न जी ७ का नेताहरू सहमत
प्रकाशित मिति : जेष्ठ ३१, २०८१ बिहीबार
रुसी सम्पत्तिहरूबाट भएको नाफाको प्रयोग गरेर युक्रेनका लागि ५० अर्ब डलर ऋण प्रदान गर्न जी ७ का नेताहरू सहमत भएका छन् ।
बिहीबार दक्षिणी इटालीमा जी ७ शिखर सम्मेलनमा भेला भएका नेताहरू उक्त ऋण प्रदान गर्न सहमत भएका हुन् ।
युक्रेनी राष्ट्रपति भोलोदिमर जेलेन्स्की अमेरिकी राष्ट्रपति जो बाइडेन र इटाली, बेलायत, फ्रान्स, जर्मनी, क्यानाडा र जापानका नेताहरूसँग पुगलियाको लक्जरी बोर्गो इग्नाजिया रिसोर्टमा वार्ताका लागि सहभागी हुनुहुनेछ ।
एजेन्डामा सबैभन्दा माथि रुससँगको दुई वर्षभन्दा बढी समयको युद्धपछि किएभलाई रक्षा, बजेटरी सहयोग र पुनर्निर्माणमा सहयोग गर्नका लागि तत्काल ५० अर्ब डलरको ऋण प्रदान गर्ने योजना रहेको छ ।
पश्चिमी सहयोगीहरूद्वारा जफत गरिएको रुसी केन्द्रीय बैंकको तीन खर्ब युरो तीन खर्ब २५ अर्ब डलर को ब्याजबाट हुने भविष्यको नाफाविरुद्ध ऋण सुरक्षित गरिनेछ ।
फ्रान्सका राष्ट्रपति इम्यानुएल म्याक्रोनको कार्यालयले यस वर्षको अन्त्यसम्म रकम उपलब्ध गराउने सम्झौता भएको बताउनु भएको थियो ।
सन् २०२२ फेब्रुअरीमा रुसको आक्रमणपछि जी ७ का मुलुकहरू युक्रेनको प्रमुख सैन्य र वित्तीय समर्थक भएका छन् ।