Follow @khasokhasmag

अब कोरिया र अमेरिकाको यात्रामा नेपथ्य


प्रकाशित मिति : भाद्र २३, २०७३ बिहीबार

चर्चित साँगीतिक समुह नेपथ्यले प्रवासतर्फको यात्रा तय गरेको छ । नेपथ्यले दक्षिण कोरियाको सियोल र अमेरिकाको न्युयोर्क र सान्फ्रान्सिस्कोमा आफ्नो संगीत गुञ्जाउनेछ । सेप्टेम्बर १५ मा नेपथ्यले दक्षिण कोरियामा साङ्गीतिक प्रस्तुति गर्नेछ । कोरियाको कार्यक्रम सकेर छोटो समय नेपाल फर्केपछि नेपाथ्यले सेप्टेम्बर २४ मा न्युयोर्कमा कन्सर्ट गर्नेछ ।

छुसक पर्वमा ‘नेपथ्य–कोम्हेन्दो डाङ’

कोरियामा छुसक पर्व नजिकिँदै गर्दा नेपाली संघसंस्थालाई उतिकै चटारो भएको छ । सेप्टेम्बर १४ देखि १६ सम्म मनाइने यो पर्वका लागि ४ वटा संस्थाले नेपाली सांस्कृतिक कार्यक्रम गर्न लागेका छन् । नेपाल तामाङ संघ कोरियाले सेप्टेम्बर १५ मा ‘नेपथ्य–कोम्हेन्दो डाङ’ आयोजना गर्न लागेको हो । ब्यान्डले ‘केबीएस एरिना’ हलमा आफ्नो प्रस्तुति दिने भएको छ ।

गत वर्ष मात्र स्थापना गरिएको यो अन्तर्रा्ष्ट्रिय स्तरको हल हो । यसमा विश्वस्तरीय साउन्ड सिस्टम, लाइट र फुल एयर कन्डिसनको सुविधा छ । एकसाथ ३ हजार दर्शकलाई समेटेर अत्याधुनिक सुविधासहितको साँगीतिक आनन्द दिन सकिने यो हलमा प्रकाश व्यवस्थाका निम्ति ‘स्टेट अफ दि आर्ट हाइटेक लाइटिङ’ र त्यही स्तरको ‘साउण्ड सिस्टम’ जडित छ ।

अमेरिकाका दुई सहरमा कार्यक्रम

दक्षिण कोरियाको कार्यक्रमपछी नेपथ्य स्वदेश फर्कनेछ । केहि दिनको बसाइलगत्तै टोली फेरि अमेरिकाका दुईवटा सहरमा कार्यक्रम गर्न त्यसतर्फ जानेछ । अमेरिकाको पहिलो कार्यक्रम २४ सेप्टेम्बरका दिन न्यूयोर्कमा आयोजना हुनेछ । त्यसदिन नेपथ्यले म्यानहटनको त्यही प्रसिद्ध ह्यामस्र्टेन बलरुममा कार्यक्रम हुनेछ । ‘वल्र्ड फेसन परेड’ले कलाका माध्यमबाट विश्वशान्तिको भावना विकास गर्न आयोजना गरिरहेको ‘फेसन विक’ कै मुख्य प्रस्तुतीका रुपमा नेपथ्यको यो कन्सर्ट आयोजना हुन लागेको हो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com