न्युयोर्क सिटीमा पैसाबारेको विवादमा प्रेमीबाट प्रेमिकाको गोली हानी हत्या, आफैलाई पनि गोली
प्रकाशित मिति : जेष्ठ १४, २०८१ सोमबार
न्युयोर्क सिटीको ब्रुकलिनमा एक व्यक्तिले आफ्नी प्रेमिकालाई गोली हानेर हत्या गरेपछि आफैलाई गोली हानेर ज्यान लिएका छन् । पैसाका बारेमा विवाद भएपछि यो घटना भएको जनाइएको छ ।
३५ बर्षका टेडी नाइट र २९ बर्षकी तानेजिया ब्लकवुडबीच लामो समयदेखि चलिरहेको तनावपछि बिहान यो घटना भएको हो । नाइटले मिडवुड अपार्टमेन्टमा बन्दुक निकालेर प्रेमिकालाई दुईगोली हानेका थिए ।
एभिन्यु फस्ट र ओसन एभिन्युमा बस्दै आएका उनीहरुबीच विवादपछि नाइटले दराजबाट बन्दुक निकालेका थिए । दुईवटा गोली लागेपछि भुइँमा लडेकी प्रेमिकालाई अनुहारमा समेत प्रहार गरेको जनाइएको छ ।
त्यसपछि उनले आफैलाई गोली हानेका थिए । प्रहरी घटनास्थलमा पुग्दा दुबैजनाको मृत्यु भइसकेको थियो । टाउकोमा बन्दुकको गोली लागेको अवस्थामा बिहान १० बजेर १० मिनेटमा अपार्टमेन्टको किचन नजिकै शव फेला पारेको प्रहरीले बताएको छ ।
यो जोडी रातभर झगडा गरेको जनाइएको छ । विहान लुगा धुने झोला भित्र लुगा कोचिरहेकी प्रेमिका र प्रेमीले एक अर्कालाई गाली गरिरहेको अपार्टमेन्टमासँगै बस्ने आमाले संचारकर्मीहरुलाई बताएकी थिइन् । उनीहरु झगडा गर्दै बाथरुममा गएका थिए ।
पुरुषकी आमाका अनुशार घटना हुनु अगाडि यो जोडीले लामो समयदेखि व्यक्तिगत संघर्षको सामना गरिरहेका थिए । उनीहरूबीच लामो समयदेखि बच्चाहरू, भाडा, पैसा लगायतका कैयन विषयमा समस्या रहेको थियो ।
फोटो: फेसबुकबाट साभार