आईपीएल क्रिकेटको उपाधिका लागि कोलकाता र हैदराबाद आज आम्नेसाम्ने हुदै , कस्तो छ त दुबै टोलीको हेड टु हेड विगत ?
प्रकाशित मिति : जेष्ठ १३, २०८१ आईतबार
आईपीएल क्रिकेटको उपाधिका लागि आइतबार कोलकाता नाइट राइडर्स र सनराईजर्स हैदराबाद भिड्दैछन्। आईपीएल क्रिकेटको १७ औँ संस्करणको फाइनल खेल चेन्नईमा नेपाली समयअनुसार आज बेलुका पौने ८ बजे शुरु हुनेछ ।
कोलकता आईपीएल क्रिकेटको दुई पटकको विजेता टोली हो। उसले सन् २०१२ र २०१४ मा उपाधि जितेको थियो। त्यस्तै हैदराबादले यसअघि एक पटक उपाधि जितेको छ। उसले सन् २०१६ मा आईपीएलको उपाधि जितेको थियो ।
गत मङ्गलवार भएको पहिलो क्वालिफायरमा हैदराबादलाई ८ विकेटले हराउँदै कोलकाता फाइनलमा पुगेको थियो । शुक्रवार भएको दोस्रो क्वालिफायरमा हैदराबादले राजस्थान रोयल्सलाई ३६ रनले हराउँदै कोलकातासँगको भेट पक्का गरेको थियो । पहिलो क्वालिफायरमा भेट भएका दुबै टोली उपाधिका लागि फेरी आम्नेसाम्ने हुन लागेका हुन ।
हैदरावाद र कोलकाताको हेड टु हेड अहिलेसम्म कोलकाता अगाडि छ । पाँच प्रतिस्पर्धामा हैदरावादले एउटा मात्र जित निकालेको छ । यो सिजनमा भएका दुई भेटमा कोलकाता विजयी भएको छ । समूह चरणको भएको खेलमा कोलकाता ४ रनले र पहिलो क्वालिफायरमा ८ विकेटले विजयी भएयो ।
यसअघि २०२३ मा भएको खेलमा कोलकाता ५ रनले विजयी भएको थियो भने एक खेलमा हैदरावाद २३ रनले विजयी भएको छ । २०२२ मा भएको एक प्रतिस्पर्धामा कोलकाता ५४ रनले विजयी भएको थियो ।
हैदराबादले विश्व ट्वान्टी–२० को सबैभन्दा धनी प्रतियोगिताको उपाधि एकैपल्ट जितेको छ । यो सन् २०१६ मा अर्का अस्ट्रेलियाली खेलाडी डेविड वार्नरको नेतृत्वमा सम्भव भएको थियो ।
हैदराबादले तीव्र गतिका बलर कमिन्सलाई आईपीएल अक्सनमा २५ लाख डलर तिरेको थियो । उनको कप्तानीमा अस्ट्रेलियाले एकदिवसीय विश्वकपमात्र होइन, वर्ल्ड टेस्ट च्याम्पियनसिपको उपाधि पनि जितेको थियो । ‘पछिल्ला केही वर्ष मेरा लागि उत्कृष्ट रहेको छ ।