आइपिएलको उपाधिका लागि कोलकाता र हैदरावाद भिड्ने , राजस्थान बाहिरियो
प्रकाशित मिति : जेष्ठ ११, २०८१ शुक्रबार
इन्डियन प्रिमियर लिग आइपिएलको फाइनलमा सनराइजर्स हैदरावाद पुगेको छ ।
शुक्रबार राति दोस्रो क्लालिफायरमा राजस्थान रोयल्सलाई ३६ रनले पराजित गर्दै हैदरावादले फाइनलमा स्थान पक्का गरेको हो । हैदराबाद दोश्रो पटक उपाधि नजिक पुगेको छ । २०१६ मा सनराइजर्सले पहिलो उपाधि जितेको थियो ।
हैदरावादले दिएको १७६ रनको लक्ष्य पछ्याएको राजस्थानले २० ओभरमा ७ विकेट गुमाएर १३९ रन मात्रै बनाउन सक्यो ।
एमए चिदम्बरम स्टेडियम चेन्नईमा पहिले ब्याटिङ गरेको हैदरावादले ७ विकेट गुमाएर १७५ रन बनाएको थियो ।
विजयी भएको हैदरावादले कोलकाता नाइट राइडर्ससँग उपाधिका लागि खेल्नेछ।
कोलकता मङ्गलवार राति सम्पन्न पहिलो क्वालिफायरमा हैदराबादलाई ८ विकेटले पराजित गर्दै फाइनलमा पुगेको हो । फाइनल खेल आइतबार हुनेछ ।