नेपालका लागि ओबामाको किशोरी केन्द्रीत कार्यक्रम
प्रकाशित मिति : भाद्र २३, २०७३ बिहीबार
अमेरिकी राष्ट्रपति बाराक ओबामाले नेपाल तथा लाओसका लागि ‘लेट गर्लस् लर्न’ कार्यक्रम विस्तार गरेको घोषणा गरेका छन् । आसियान राष्ट्रहरुको सम्मेलनमा भाग लिन लाओस पुगेका ओबामाले उक्त घोषणा गरेका हुन् ।
उनले उक्त कार्यक्रम घोषणा गर्दै भनेका छन्, ‘महिलाहरुले पुरुषको जत्तिकै अवसर नपाउने हो भने संसारका कुनै पनि देश बास्तविक रुपमा सफल हुन सक्दैनन् ।’ साथै उनले ‘लेट गर्लस् लर्न’ आफु र पत्नी मिसेल ओबामाले आफुलाई निकै गौरवान्वित महशुस भएको बताएका छन् ।
‘लेट गलर््स लर्न’ ह्वाइट हाउसबाट सार्वजानिक गरिएको अमेरिकी सरकारको कार्यक्रम हो । यो शिक्षा मुख्य गरि विद्यालय शिक्षा पुरा गर्न नसकेका किशोरीहरु प्रति लक्षित हुने गर्दछ । कार्यक्रमले किशोरीलाई विद्यालय पुग्न नसक्ने समस्यालाइई सम्बोधन गर्ने प्रयास गर्दछ । यो कार्यक्रम प्रथम पटक २०१५ मार्चमा घोषणा गरिएको थियो । यस कार्यक्रमले किशोरीहरुमा आफ्नो जीवनको महत्वपूर्ण निर्णय गर्न र समाजका लागि योगदान दिन सघाउने अपेक्षा गरिएको छ ।
यो कार्यक्रमले विश्वव्यापी रुपमा किशोरीहरुको जीवनस्तरमा सुधार ल्याउने र उनीहरुको जीवनमा शिक्षाको महत्वलाई स्थापित गर्ने लक्ष्य राखेको बताइएको छ । हाल संसारभर करिब ६ करोड २० लाख किशोरीहरु मध्ये झण्डै आधा संख्या विद्यालयभन्दा बाहिर रहेको आकलन गरिएको छ । त्यस्तै नेपाल र लाओसमा पनि ठुलो सख्यामा किशोरीहरु विद्यालयभन्दा बाहिर रहेकोले उनीले नेपाल र लाओसलाई विशेष लक्षित गर्दै उक्त कार्यक्रम घोषणा गरेका हुन ।