मुम्बईमा ठूलो होर्डिङ भत्किँदा १४ जनाको ज्यान गयो , छानविन गरेर कारवाही गर्ने सरकारको चेतावनी
प्रकाशित मिति : बैशाख ३१, २०८१ सोमबार
मुम्बईमा सोमबार आएको आँधी र वर्षाका क्रममा ठूलो होर्डिङ भत्किँदा भएको दुर्घटनामा मृत्यु हुनेको संख्या १४ पुगेको छ । दुर्घटनामा करिब ६० जना घाइते भएका छन् ।
मुम्बई नगर निगमका अनुसार दुर्घटनामा १४ जनाको मृत्यु भएको छ भने ४३ जना घाइते विभिन्न अस्पतालमा भर्ना भएका छन् । ३१ जनालाई अस्पतालबाट डिस्चार्ज गरिएको छ ।
प्रहरीका अनुसार घाटकोपर इ क्षेत्रको समता कोलोनीमा रहेको रेलवे पेट्रोल पम्प नजिकै राखिएको होर्डिङ बेलुका एक्कासी आएको भीषण हावाहुरीले खसेको हो ।
अधिकारीहरुका अनुसार यो होर्डिङ पेट्रोल पम्पमा खसेको थियो जहाँ पानी र हावाहुरीका कारण ठूलो संख्यामा मानिसहरु अड्किएका थिए ।
राज्यका मुख्यमन्त्री एकनाथ शिन्देले दुर्घटनास्थलको निरीक्षण गरेपछि दुर्घटनामा घाइते भएका बिरामीलाई भेट्न अस्पताल पुग्नुभएको थियो ।
उहाँले मुम्बईका सबै होर्डिङको विशेष संरचनात्मक लेखा परीक्षण गरिने र,‘दुर्घटनाका लागि जिम्मेवार व्यक्तिमाथि कर्तव्य ज्यान मुद्दा बताउनु भयो ।
उहाँले मृतकका परिवारलाई तत्काल ५ लाख रुपैयाँ क्षतिपूर्ति दिने घोषणा समेत गर्नुभएको छ ।