नेपालले बुधबार तेस्रो टी –२० क्रिकेटमा वेस्ट इन्डिज ‘ए’ को सामना गर्दै , खेलपछि विश्वकप खेल्ने नेपाली टिमको घोषणा हुने
प्रकाशित मिति : बैशाख १८, २०८१ मंगलबार
Lalit Narayan Rajbanshi of Nepal celebrates the wicket of Syed Haider of United Arab Emirates during the ACC Men’s Premier Cup 2024 1st Semi-Final match between Nepal and United Arab Emirates held at the Al Amerat Cricket Ground Oman Cricket (Turf 1), Oman on April 19, 2024. Photo by: Pankaj Nangia / Creimas / Asian Cricket Council RESTRICTED TO EDITORIAL USE
नेपालले बुधबार आज तेस्रो टी –२० क्रिकेटमा वेस्ट इन्डिज ‘ए’ को सामना गर्दैछ । कीर्तिपुरको त्रिवि क्रिकेट मैदानमा यो खेल दिउँसो सवा १२ बजे शुरु हुनेछ ।
नेपालले पहिलो खेल ४ विकेटले जितेको थियो भने दोस्रो खेलमा १० रनले पराजित भएको थियो । त्यसकारण ५ खेलको टी–२० श्रृङ्खला एक एक को बराबरी अबस्थामा छ । घरेलु टोली नेपाल र पाहुना टोली वेस्ट इन्डिज दुवै, सिरिजमा अग्रता बनाउने प्रयासमा हुनेछन् ।
सिरिजका दुवै खेलमा नेपाली टोलीका कप्तान रोहित पौडेलले उत्कृष्ट प्रर्दशन गरेका थिए । श्रृङ्खलाको चौथो खेल बिहीवार र पाँचौ तथा अन्तिम खेल शनिवार हुनेछ । बुधबारको खेलको प्रदर्शनका आधारमा नेपालले केही खेलाडी टी–२० विश्वकपका लागि छनोट गर्ने संभावना रहेकोछ ।
विश्वकपका लागि भनेर नै नेपाली टोलीका मुख्य प्रशिक्षक मोन्टी देसाईले खेलाडीको परीक्षण गरिरहेका छन् । त्यसैले आजको खेलमा पनि टोलीमा खेलाडी परिवर्तन गरिनेछ ।
प्रशिक्षक देसाईले पहिलो खेल खेल्ने टोलीमा दोस्रो खेलका बेला पाँच खेलाडी परिवर्तन गरेका थिए । विश्वकप छनोटका लागि भनेर नै क्यानले पहिले घोषणा गरेको टोलीमा चार खेलाडी थप्दै २० सदस्यीय बनाइएको छ ।
अन्तर्राष्ट्रिय क्रिकेट परिषद् आईसीसीले बुधबार सम्ममा सहभागी हुने सबै २० देशका लागि नाम टुङ्गो लगाउन यसअघि नै निर्देशन दिएको थियो ।
भारत, इंग्ल्यान्ड, दक्षिण अफ्रिकालगायतका केही देशले आफ्ना खेलाडीको टुङ्गो लगाइसकेका छन् । विश्वकप क्रिकेट अघि वेस्ट इन्डिजको टोली पहिलो पटक नेपाल भ्रमणमा आएको हो ।