प्रधानमन्त्रीलाई परराष्ट्रविद्को आग्रह -‘नाकाबन्दीबारे सोध्नोस्’


प्रकाशित मिति : भाद्र २३, २०७३ बिहीबार

भारत भ्रमणका क्रममा नेपाल–भारतबीचको सम्बन्धमा देखिएको तिक्तता अन्त्यको बाटो पहिल्याउन प्रधानमन्त्री प्रचण्डलाई परराष्ट्रविद्हरूले सुझाव दिएका छन् ।
प्रधानमन्त्री प्रचण्डले भारत भ्रमणकाबारेमा बुधबार पूर्वपरराष्ट्र मन्त्रीहरूसग छलफल गर्नुभएको थियो । सो क्रममा पूर्वपरराष्ट्रमन्त्री तथा परराष्ट्रविद्हरूले भारत भ्रमणमा जादा नेपालमा केहि समय अघि लगाईएको नाकाबन्दीका बिषयमा पनि प्रश्न सोध्न प्रधानमन्त्री प्रचण्डलाई आग्रह समेत गरेका छन् । पूर्वपरराष्ट्रमन्त्री प्रकाशचन्द्र लोहनीले दुई देशको सम्बन्ध प्रगाढ बनाउनका लागी प्रधानमन्त्रीको भारत भ्रमण अझै महत्वपूण हुने भन्दै दुई मुलुकको तिक्तता अन्त्य गर्ने बाटो खोज्न सुझाव दिईएको बताउनुभयो । पूर्वपरराष्ट्रमन्त्री रमेशनाथ पाण्डेले नेपाल–भारत सम्बन्धमा ठूलो दुर्घटना निम्तिएको बताउदै नेपाल–भारत सम्बन्धमा किन यति ठूलो दुर्घटना निम्तियो ? भन्ने बारेमा स्पष्ट हुनुपर्नेमा जोड दिईएको बताउनुभयो ।
पूर्वपरराष्ट्रमन्त्री पाण्डेले मधेसवादी दलसग भएको सहमतिअनुसार संविधान संशोधन सम्बन्धी विधेयक भारत जानुअघि नै संसद्मा दर्ता गराउन सुझाव दिएको बताउनुभयो । प्रधानमन्त्रीका परराष्ट्र सल्लाहकार डा. ऋषि अधिकारीले प्रधानमन्त्रीको भारत भ्रमणका बेला कुनै पनि नयाँ सम्झौता नहुने बताउ“दै पुरानै सम्झौतालाई कार्यान्वयन गराउने बारेमा छलफल हुने बताउनुभयो । छलफलमा क्रममा प्रधानमन्त्री दाहालले भारत भ्रमणको तालिकाको बारेमा पनि जानकारी गराउनुभएको थियो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com