युरोपका अधिकांश देशमा २३ घण्टाको मार्च ३१, घडी मिलाउनुभयो त ?
प्रकाशित मिति : चैत्र १९, २०८० सोमबार
तपाईले आफ्नो घडी मिलाउन विर्सनुभएको त छैन ? युरोपका अधिकांश देशमा मार्च ३१ मा १ घण्टा समय कम भएको छ । अर्थात् युनिभर्सल समय अनुशार युरोपका कतिय देशमा मार्च ३१ को विहान १ बजेर ५९ मिनेट गइसकेपछि २ बजेन, एकैचोटी ३ बज्यो । कतिपयमा यो १ नबजी २ बज्यो भने कतिपय देशमा २ नबजी ३ बज्यो । कतिपय देशमा भने ३ नबजी ४ बज्यो ।
तपाईको घडी इन्टरनेटसँग जोडिएको छ भने तपाईले घडी मिलाउनु पर्दैन । अर्थात मोवाइल, ल्यापटप, आइप्याड लगायतका उपकरणमा भएका घडीहरुमा अटोमेटिक समय आफै मिलिसकेको छ । तर तपाईले हातमा लगाउने घडी वा भित्ता वा टेबुलमा रहेको घडी म्यानुअल छ भने चाँही समय मिलाउनुपर्छ ।
१ घण्टा समय घटेकाले ३१ मार्च २३ घण्टाको भएको थियो । मार्च ३१ देखि डे लाइट सेभिंग सुरु भएकाले समय घटेको हो । यसको अन्त्य आगामी अक्टोबर २७ मा हुनेछ । अर्थात् अक्टोबर २७ , २०२४ भने २५ घण्टाको हुनेछ ।
रूसले ओगटेका क्षेत्रहरू बाहेक युक्रेनले समय परिवर्तन गरेको छ । तर रूस, आइसल्याण्ड र बेलारुसले भने समय परिवर्तन गरेका छैनन् । सन् २०१९ मा युरोपेली संघले समय परिवर्तन खारेज गर्ने लष्य राखेको थियो तर अहिलेसम्म केहि भएको छैन। युरोपेली काउन्सिलले अझै वार्ता सुरु गर्न सकेको छैन।
हालैका वर्षहरूमा, ब्रेक्सिट, कोभिड १९ महामारी, र युक्रेनमा युद्ध जस्ता मुद्दाहरूले विषयलाई थप जटिल बनाएका छन्। त्यसैले यसबारे कुनै पनि परिवर्तन चाँडै हुने सम्भावना छैन। अमेरिका र क्यानडाले युरोप भन्दा तीन हप्ता अगाडि मार्च १०, २०२४ मा समय परिवर्तन गरेका थिए।