विवाह गरेको ३ बर्षसम्म शारिरीक सम्वन्ध नराखेपछि श्रीमान बिरुद्ध श्रीमतीको उजुरी
प्रकाशित मिति : चैत्र १८, २०८० आईतबार
एक महिलाले शारिरीक सम्बन्ध नराखेको भन्दै श्रीमानविरुद्ध प्रहरीमा उजरी दिएकी छन् । प्रहरीले श्रीमानसहित ६ जनाविरुद्ध उजुरी दर्ता गरेको छ । र, प्रहरीले यस विषयमा अनुसन्धान थालेको छ ।
प्रहरी चौकीमा दर्ता भएको एफआईआरमा पीडितले भनिन्, ‘मेरो विवाह ३१ मे २०२१ मा भएको थियो । बिहेपछि म श्रीमानको घर गएँ । विवाह भएदेखि मेरो श्रीमानले मसँग शारीरिक सम्बन्ध राखेका छैनन् । त्यसपछि मैले घरका सदस्यललाई भनेँ । तर, उनीहरूले पनि श्रीमानलाई कुरा बुझाएनन्।’
त्यसपछि पीडित महिलाले श्रीमानलाई शारीरिक सम्बन्ध किन नराखेको भनेर सोधिन् । तर, उनी बारम्बार गाली र कुटपिट गर्थे । यति मात्र होइन माइती जाने कुरा सुनेपछि भन्थे– ‘घरबाट निस्क्यौ भने तिमी र तिम्रो परिवारलाई मारिदिन्छु ।’
महिलाका अनुसार उनी हजुरबुवा बिरामी भएको बहाना बनाएर घरबाट भागेर माइती आएर बसेकी छिन् । तर, अहिले पनि श्रीमान लगायत उनको परिवारले उनलाई लगातार धम्की दिइरहेका छन् ।
पीडित युवती भारतको विहार राज्यको मुजफ्फरपुर वैशाली जिल्लाको लालगञ्ज थाना क्षेत्रको एक गाउँकी बासिन्दा हुन् । आरोपित श्रीमान् अहियापुर थाना इलाकाका हुन् । एजेन्सीहरु