थाइल्याण्डका उत्तरी सहरमा प्रदूषण : दीर्घकालीन रोगका बिरामीको संख्या बढ्दै
प्रकाशित मिति : फाल्गुन २३, २०८० बुधबार
jfo’ k|b”if0f sf7df8f}F, ^ j}zfvM ljut s]xL lbgb]lv pkTosfdf k|b”if0f km}lnP;Fu} sf7df8f}F pkTosfdf Go”/f]8af6 a’waf/ b]lvPsf] jfo’ k|b”if0f . tl:a/ M d]3gfy kxf8L÷/f;;
थाइल्यान्डका केही उत्तरी सहरहरूलाई वायुको गुणस्तर अनुगमन गर्ने निकायहरूले विश्वको सबैभन्दा प्रदूषित शहरहरूको रूपमा मापन गरेका छन् । थाइल्यान्डको जनसङ्ख्या झन्डै ७ करोड २० लाख छ । त्यहाँको राष्ट्रिय आर्थिक तथा सामाजिक विकास परिषद्को तथ्याङ्कअनुसार थाइल्यान्डको वायुको गुणस्तर दिनप्रतिदिन बिग्रँदै गएको छ ।
थाइल्यान्डमा वायु प्रदूषणजन्य रोग बढ्न थालेको छ । अघिल्लो वर्षको तुलनामा सन् २०२४ को शुरुवातमा प्रदूषणजन्य रोगका घटनामा वृद्धि भएको बीबीसीले जनाएको छ । सन् २०२३ को पहिलो नौ हप्ताको तथ्याङ्कमा १३ लाख जना नागरिकले वायु प्रदूषणजन्य रोगको उपचार गराएकामा २०२४ को यही अवधिमा यो सङ्ख्या बढेर १६ लाख जना पुगेको छ ।
समग्रमा सन् २०२३ मा थाइल्यान्डका १ करोड जनाभन्दा बढी नागरिकले वायु प्रदूषणसँग सम्बन्धित रोगको उपचार गराएका खबरमा उल्लेख छ । विशेषगरी उत्तरी थाइल्यान्डमा वर्षको शुरुदेखि फराकिला जग्गाजमिन र जङ्गलमा लागेको आगोका कारण हानिकारक धुवाँ निस्कन थालेको थियो । वायु प्रदूषणका कारण थाइल्यान्डमा फोक्सोको क्यान्सर, ब्रोन्काइटिस, दम, र हृदय रोगजस्ता दीर्घकालीन रोगका बिरामी बढेका परिषद्को तथ्याङ्क छ ।
थाइल्यान्डले सार्वजनिक स्वास्थ्यमा हावामा पाइने पीएम २ दशमलव ५ को नकारात्मक प्रभावलाई प्राथमिकतामा राखेर घटाउनुपर्ने परिषद्ले सुझाव दिएको छ ।
पीएम २ दशमलव ५ ले साना तर खतरनाक धुलोका कणहरूको स्तरलाई बुझाउँछ जसले फोक्सोको माध्यमबाट रक्त प्रवाहमा प्रवेश गरेर विभिन्न रोग सङ्क्रमण गराउँछ । एजेन्सीहरु