फ्रान्सले १० देशका २३ हजार आप्रबासीलाई देश निकाला गर्ने
प्रकाशित मिति : फाल्गुन २०, २०८० आईतबार
फ्रान्सले शरणको नाममा अवैध रुपमा त्यहाँ बसोबास गरिरहेका २३ हजारलाई देश निकाला गर्ने भएको छ । यसमा ट्युनिसिया, लिबिया, इजिप्ट , सिरिया, इराक, पाकिस्तान र मोरक्को, जस्ता केही एसियाली र अफ्रिकी देशहरू सहित १० देशका मानिसहरू समावेश छन् ।
फ्रान्समा कट्टरपन्थीको वृद्धि र अगस्टमा हुने ओलम्पिक खेलको तयारीका रूपमा यस कार्यलाई हेरिएको छ । गत वर्ष मात्र फ्रान्सले ३८ हजार मानिसलाई डिपोर्ट गरेको थियो । ती मानिसहरू अवैध रूपमा फ्रान्समा बस्दै आएका थिए । ती मध्ये अधिकांश घुसपैठकर्ता थिए ।
घुसपैठलाई रोक्न इमानुएल म्याक्रोँ सरकारले आप्रवासन विधेयक पारित गरेको छ । म्याक्रोनले कानुन पास गरेपनि उदारवादी लोकतन्त्रको संरक्षक भएको मुलुकको छविमा आँच पुर्याएको भन्दै विपक्षीहरूले यसको विरोध गरिरहेका छन् ।
विज्ञहरूका अनुसार युरोपभर आप्रवासी नीतिलाई कडा बनाउन यो कानुन ल्याइएको हो । जनवरीमा घोषणा गरिएको कानूनलाई वामपन्थी विपक्षीहरूले जातिवादी भनेर आलोचना गरेतर अति दक्षिणपन्थी रिसेम्बल नेशनल संसदीय समूहका अध्यक्ष मारिन ले पेनले यसलाई ‘वैचारिक विजय’ भनेर स्वागत गरेका थिए ।
फ्रान्सले आप्रवासनमा ठूलो परिवर्तन गरिरहेको छ । यस अन्तर्गत मानव अधिकारको युरोपेली अदालतले घुसपैठ गर्नेहरूलाई उनीहरूको मुद्दाको सुनुवाइ अघि नै देश निकाला गर्न सक्छ । एजेन्सीहरु