दुध उत्पादक किसानको ७ अर्ब भुक्तानी हुन बाँकी , किसानहरु दुध पोख्दै सडकमा
प्रकाशित मिति : फाल्गुन १७, २०८० बिहीबार
दुग्ध सहकारीले किसानलाई ७ अर्ब रुपैया भुक्तान गर्न बाँकी रहेको किसानहरुले बताएका छन । तर सहकारी संचालकहरुले भने ५ अर्ब मात्रै भुक्तानी गर्न बाँकी रहेको दावी गरेका छन ।
राष्ट्रिय दुग्ध विकास बोर्डका कायकारी निर्देशक डा राजेन्द्रप्रसाद यादवका अनुसार किसानहरु दुग्ध सहकारीले ७ अर्ब भुक्तानी दिन बाँकी छ भनेका छन । तर दुग्ध सहकारी सञ्चालकहरु सँग छलफल गर्दा ५ अर्ब जति भुक्तानी रहेको अनुमान गरेका छौं,’ भनेका छन । उहाँले फरक–फरक ठाउँको भुक्तानी माग फरक हुँदा यति नै रकम दिन बाँकी भन्ने यकिन भन्न सकिने अवस्था नरहेको बताउनु हुन्छ ।
देशभरि गरेर १ हजार ८ सय ५७ दुग्ध उत्पादन सहकारी रहेका दुग्ध उत्पादक सहकारी संघ केन्द्रीय अध्यक्ष अमरबहादुर कुँवरले जानकारी दिनुभयो । उहाँका अनुसार करिब ७ अर्ब रुपैयाँ भुक्तानी हुन सकेको छैन, ‘किसानले घरमा पालेको गाईभैंसीलाई ढुटो, चोकर, घाँस खुवाउन नसक्ने अवस्था आइसकेको छ ।
आन्दोलनको मुख्य कारण भनेको ‘सहकारीले किसानको दूध किनेर डीडीसी, डेरी उद्योगहरूलाई दिएको हुन्छ तर त्यसरी दिएको दूधको भुक्तानी दुग्ध उत्पादक किसानलाई दिदैन त्यही बिरोध भएको हो उहाँले भन्नुभयो ।
कुँवरका अनुसार डेरी उद्योग संघ, नेपाल डेरी एसोसिएसन र दुग्ध विकास संस्थान डीडीसीले किसानलाई भुक्तानी दिन बाँकी छ । दुग्ध विकास बोर्डका अनुसार ३० लाख किसान दूध उत्पादनमा संग्लन छन् । अहिले मुलुकमा दैनिक ३३ लाख लिटर दूध उत्पादन हुन्छ । जसमध्ये २७ लाख लिटर खपत हुन्छ भने ५ लाख लिटर बढी दूधको दुग्धजन्य पदार्थ उत्पादन गर्नुपर्ने हुन्छ ।