युरोपको शेंगेन भिसा शुल्कमा १२ प्रतिशत वृद्धिको प्रस्ताव, १८० युरोसम्म
प्रकाशित मिति : माघ २९, २०८० सोमबार
युरोपेली आयोगले शेंगेन भिसाका लागि आवेदन शुल्कमा १२५ वृद्धिको प्रस्ताव गरेको छ। बृद्धिपछि वयस्कहरूले भिसाका लागि हालको ८० युरोबाट ९० युरो तिर्नु पर्नेछ भने बालबालिकाका लागि शुल्क ४० युरोबाट बृद्धि भई ४५ युरो तिर्नुपर्नेछ । युरोपियन युनियनभन्दा बाहिरका देशका ९० दिनको अन अराइभल भिसाका लागि योग्य नहुने देशका नागरिकले शेंगेन क्षेत्रमा प्रवेशका लागि शेंगेन भिसा अनिवार्य आवश्यकता हो ।
सदस्य राट्र्रहरुबाट देशनिकाला हुनेहरुलाई आफ्नो देश फर्काउनका लागि सहयोग नगर्ने देशका नागरिहरुका भिसा शुल्क अझ बढाउने प्रस्ताव गरिएको छ । त्यस्ता देशहरुका सन्दर्भमा शुल्क वयस्कहरूको लागि केहीदेशमा १२० युरोबाट बढाएर १३५ युरो बनाइनेछ भने केही देशमा १६० युरोबाट बढाएर १८० युरो बनाइनेछ ।
प्रस्ताव आगामी महिनाहरूमा लागू हुने अपेक्षा गरिएको छ । युरोपेली आयोगले सदस्य राष्ट्रका विज्ञहरूको पर्याप्त समर्थन पछि यो मस्यौदा प्रस्तुत गरेको हो । मार्च १ सम्म यसबारे प्रतिक्रिया मागिएको छ ।
युरोपियन युनियनभित्रका नागरिकहरूले मार्च १ सम्म प्रस्तावमा आफ्नो राय व्यक्त गर्ने अवसर पाएका छन् । आयोगले बढ्दो मुद्रास्फीतिलाई आवेदन शुल्कमा बृद्धि हुनुको प्रमुख कारणको रूपमा उद्धृत गरेको छ। त्यस पछि युरोपियन युनियनको आधिकारिक जर्नलमा प्रकाशित भएको २० दिन पछि नयाँ नियम लागु हुनेछ ।
आयोगले सामान्यतया प्रत्येक तीन वर्षमा भिसा शुल्कहरू परिमार्जन गर्दछ। शुल्क समायोजनको अतिरिक्त आयोगले बाह्य प्रदायकहरू, मुख्यतया भिसा एजेन्सीहरूलाई प्रस्तावित संशोधन अनुरूप आफ्नो सेवा शुल्क बढाउन सक्षम बनाउने विचार गरिरहेको छ। नयाँ प्रस्ताव अन्तर्गत बाह्य प्रदायकहरू लिइने अधिकतम शुल्क ४० युरोबाट ४५ युरो पुग्नसक्छ । भिसा विस्तारको शुल्क भने ३० युरो नै स्थीर रहनेछ ।