बच्चा जन्माउन भिजिटर भिसामा अमेरिका आउन लागेको विमानस्थलमा थाहा भए के हुन्छ?
कोही गर्भवती विदेशी नागरिकहरूलाई अमेरिकामा प्रवेश गर्न निषेध गर्ने कुनै विशेष नियमहरू छैनन् तर प्रवेश गर्न अनुमति दिने वा अस्वीकार गर्ने भन्ने अधिकार अमेरिकी भन्सार र सीमा सुरक्षा सीबीपी अधिकारीको विवेकमा भरपर्छ ।
यदि सीबीपी अधिकारीले तपाईं अमेरिकी सरकारको हेरचाहमा बस्नुपर्ने अर्थात सरकारले चिकित्सा हेरचाह उपलब्ध गराउनुपर्ने सम्भावना भएको निर्धारण गरेमा तपाईलाई अमेरिका प्रवेश गर्नबाट रोक्नसक्छन् । सामान्तया तपाईसँग मेडिकल कभरेज नभएको अवस्थामा तपाईंलाई प्रवेश अस्वीकार गर्न सकिन्छ।
तपाइँलाई अमेरिकामा प्रवेश गर्न दिने नदिने निर्धारण गर्दा सीबीपी अधिकारीले तपाइँको बच्चा जन्मने मिति र तपाइँ अमेरिकामा बस्न चाहनु भएको समयलाई ध्यानमा राख्नेछन्। थप रूपमा तपाईं अमेरिकामा हुँदा कुनै पनि चिकित्सा आवश्यकताहरू कभर गर्नको लागि पर्याप्त स्वास्थ्य बीमा भएको र तपाईं स्वदेश फर्कन चाहेको कुरा तपाईले प्रमाणित गर्नुपर्ने हुनसक्छ ।
तपाईसँग अमेरिकामा कुनै पनि अप्रत्याशित वा अपेक्षित चिकित्सा हेरचाह कभर गर्न पर्याप्त स्वास्थ्य बीमा नभएको निर्धारण गरिएमा तपाइँलाई प्रवेश अस्वीकार गर्न सकिन्छ। थप रूपमा यदि तपाईं गर्भवती हुनुहुन्छ र गाडीमार्फत मेक्सिको वा क्यानडाबाट अमेरिकामा प्रवेश गर्दै हुनुहुन्छ भने पोर्टहरूमा तैनाथ गरिएका विकिरण पत्ता लगाउने पोर्टलहरूले कुनै पनि विकिरण उत्सर्जन नगर्ने र तपाईं र तपाईंको गर्भमा रहेको बच्चालाई खतरा नपार्ने बारे सचेत हुनुपर्छ ।
जनवरी २४, २०२० मा अमेरिकी विदेश मन्त्रालयले बर्थ टुरिजमलाई सम्बोधन गर्न भिजिटर भिसा बीका नियमहरू परिमार्जन गरेको थियो । यस परिमार्जित नियम अन्तर्गत बच्चाका लागि अमेरिकी नागरिकता प्राप्त गर्ने उद्देश्यले अमेरिकामा बच्चा जन्माउने प्राथमिकता उद्देश्यका साथ आउन चाहनेहरुको भिसा आवेदन विदेशमा रहेका अमेरिकी कन्सुलर अधिकारीहरूले अस्वीकार गर्नेछन् । बच्चाका लागि अमेरिकी नागरिकता प्राप्त गर्ने उद्देश्यले अमेरिकामा बच्चा जन्माउन आउन लागेको विश्वास गर्ने कारण भएमा कन्सुलर अधिकारीले भिसा दिनेछैनन् ।
सीबीपी ज्ञानमालाबाट साभार
