अपराधमा दोषी ग्रिनकार्डबाहक अमेरिका आउँदा विमानस्थलमा ग्रिनकार्ड खारेज गरी फर्काउन सकिन्छ?
प्रकाशित मिति : माघ ७, २०८० आईतबार
निश्चित अपराधहरूमा दोषी ठहरिएका ग्रिनकार्डवाहकहरूलाई अमेरिका पुनः प्रवेश अस्वीकार गर्न सकिँदैन, यद्यपि उनीहरूलाई देशनिकालाबारे निर्णय गर्न अध्यागमन अदालतमा सुनुवाइमा पठाउन सकिनेछ । अपराधमा दोषी ठहर भएर पहिले नै अदालतबाट सजाय भोगिसकेकाहरु समेत यस्तो अध्यागमन कारवाहीको भागिदार बन्नसक्छन् ।
अदालतले देशनिकालाको निर्णय गरिसकेपछि उनीहरुको ग्रिनकार्ड खारेज हुन्छ । त्यसपछि देशनिकालाको आदेश हस्तान्तरण गरिन्छ। एक पटक यस्तो आदेश जारी गरिसकेपछि पूर्व ग्रिनकार्डवाहकलाई आई १९२ वेभर जारी गरिएको अवस्थामा बाहेक अमेरिकाबाहिर यात्रा गरेपछि अमेरिकामा प्रवेश गर्न अनुमति दिइने छैन ।
तर पोर्ट अफ इन्ट्रीमा रहेका सीबीपी निर्देशकले सामान्यतया मानवीय उद्देश्यका लागि अस्थायी परोल जारी गरेर अमेरिकाभित्र प्रवेशको अनुमति दिनसक्छन् । ग्रिनकार्ड खारेज हुनसक्ने बैधानिक आधारहरुका लागि यहाँ हेर्न सक्नुहुनेछ ।
ग्रिनकार्ड खारेजीका केही सामान्य आधारहरूमा ठगी, चोरी, बलात्कार र सम्बन्धित अपराधहरू, आक्रमण, मनी लन्ड्रिङ, लागूऔषध कारोबार र आप्रवासी तस्करी लगायत पर्छन् । यदि अभियोग विशेष गम्भीर प्रकृतिको छ भने सुनुवाइको मितिसम्म आप्रवासीलाई हिरासतमा राखिने सम्भावना हुन्छ ।
कभर तस्वीर: एक संदिग्धलाई एयरपोर्टमा रोक्दै सीबीपी अधिकारी । फोटो : जेम्स टूरटेलोटे
सीबीपी ज्ञानमालाबाट साभार