न्युयोर्क सिटीमा यो बर्षको दोस्रो उल्लेख्य हिमपात, ३ इन्चसम्म हिउँ पर्ने अनुमान
प्रकाशित मिति : माघ ५, २०८० शुक्रबार
७ सय दिनको हिउँ खडेरी तोडेको केही दिन पछि न्युयोर्क सिटीमा शुक्रबार हिमपात भइरहेको छ । तर अब ठूलो आँधीको पहिलो पूर्वानुमानको सट्टा झन्झटिलो केही इन्चको हिमपातको अपेक्षा गरिएको छ।
५ इन्च सम्मको हिमपातको पूर्वानुमान गरिएपनि यो अब २ वा ३ इन्च भन्दा बढी हुने सम्भावना नभएको मौसमविदहरुले बताएका छन् । यसलाई मानिसहरूको लागि एक उपद्रव प्रकारको हिमपात भनिएको छ ।
न्युयोर्क सिटीमा पहिलो हिउँका फोक्काहरु बिहान ७ बजेतिर झरेको देखा परेको थियो । त्यो बेला न्युयोर्क सिटी भरका टोलीहरू सडकहरू नुन छर्ने प्रयास गरिरहेका थिए।
तापक्रम घट्दै जाँदा नुनको क्षमता पनि घट्दै जान्छ । शनिबारको उच्च तापक्रम २० डिग्री फरेनहाइटको हाराहारीमा मात्र हुने अपेक्षा गरिएको छ र हावाको चिसोले तापक्रमलाई एकल अंकमा धकेल्न सक्छ।
कनेक्टिकटले पनि तापक्रम यस्तै हाराहारीमा हुने अपेक्षा गरिएको छ । तर हिमपात न्युयोर्क सिटीको भन्दा कम हुनसक्छ । त्यहाँ एक इन्च वा त्यो भन्दा कम हिमपातको अनुमान गरिएको छ । तर मध्य न्यू जर्सी र फिलाडेल्फिया क्षेत्रले सबैभन्दा खराब हिमपातको अनुभव गर्न सक्छ । त्यहाँ तीन देखि पाँच इन्च हिमपात अनुमान गरिएको छ ।
आँधी आउनुअघि फिलाडेल्फियामा हिउँ आपतकाल घोषणा गरिएको थियो र हिउँ आपतकालीन मार्गहरूमा रहेका सबै कारहरूलाई सार्न आदेश दिइएको थियो।
न्युयोर्कका मेयर एरिक आडम्सले शुक्रबार न्यु योर्कवासीहरूलाई चिप्ला सडकहरूको लागि तयारी गर्न चेतावनी दिएका थिए । वैकल्पिक साइड पार्किङ निलम्बित गरिएको छ।