विना भिसा अमेरिका छिर्नका लागि ६ हजारको लस्कर मेक्सिको हुँदै अमेरिकी सीमातर्फ
प्रकाशित मिति : पुस ९, २०८० सोमबार
EAGLE PASS, TEXAS – DECEMBER 20: Immigrants wait to be processed at a U.S. Border Patrol transit center after they crossed the border from Mexico on December 20, 2023 in Eagle Pass, Texas. A late-year surge of migrants crossing the U.S.southern border has overwhelmed U.S. immigration officials. John Moore/Getty Images/AFP (Photo by JOHN MOORE / GETTY IMAGES NORTH AMERICA / Getty Images via AFP)
मध्य अमेरिका, भेनेजुएला, क्युबा र अन्य देशहरूबाट आप्रवासीहरूको ठूलो लस्कर मेक्सिको हुँदै अमेरिकी सीमातर्फ अगाडि बढेको छ । विना भिसा अमेरिका प्रवेश गर्ने उद्देश्यले यो लस्कर सीमाक्षेत्रतर्फ अगाडि बढेको हो । अमेरिकामा प्रवेश गर्न खोज्ने आप्रवासीहरूको बृद्धिलाई नियन्त्रण गर्न नयाँ सम्झौताहरूका लागि अमेरिकी विदेशमन्त्री एन्टोनी ब्लिन्केनको मेक्सिको सिटी भ्रमण अगाडि यो लस्कर आएको हो ।
यो लस्कर झण्डै ६ हजार मानिसहरूको भएको अनुमान गरिएको छ । जसमध्ये धेरै साना बच्चाहरू भएका परिवारहरू समेत छन् । झण्डै एक वर्षको अवधिमा यो सबैभन्दा ठूलो लस्कर हो । यसलााई बाइडेन प्रशासन र मेक्सिकोका राष्ट्रपति एन्ड्रेस म्यानुएल लोपेज ओब्राडोरको सरकारले आप्रवासनलाई रोक्नको लागि गरेका संयुक्त प्रयासहरूमा भएका कमजोरीको उपजका रुपमा लिइएको छ ।
ग्वाटेमालासँगको देशको दक्षिणी सिमाना नजिकैको तपाचुला सहरबाट क्रिसमसको पूर्वसन्ध्यामा यो लस्कर प्रस्थान गरेको छ । सुरक्षा बलहरूले विगतका रणनीतिहरूको उपयोग गर्न खोजिरहेका छन् । अधिकारीहरूले उनीहरु थकित हुनको लागि पर्खिरहेका थिए र त्यसपछि उनीहरूलाई अस्थायी कानुनी स्थितिको रूपमा प्रस्ताव गरेका थिए, जुन धेरैले अमेरिकातिर आफ्नो यात्रा जारी राख्न प्रयोग गर्छन्।
आफूहरु तीन वा चार महिनादेखि जवाफ बिना पर्खिरहेको आफ्नी श्रीमती र बच्चालाई आफ्नो जन्मस्थान होन्डुरसमा छोडेर एक्लै यात्रा गरिरहेका आप्रवासीले बताए । उनले अमेरिकातर्फ जान आवश्यक पर्ने अनुमति प्राप्त गर्न सक्ने आशा समेत व्यक्त गरे ।
मेक्सिकोका राष्ट्रपति लोपेज ओब्राडोरले गत मेमा शरण र अन्य प्रकारका आप्रवासनका लागि नयाँ कानुनी मार्गहरू प्रदान गर्ने नियमहरूको पालना नगरेका कारण अमेरिकाबाट फिर्ता पठाइने भेनेजुएला, निकारागुआ र क्युबा जस्ता देशहरूका आप्रवासीहरूलाई आफूहरुले राख्नेमा सहमति जनाएका थिए । तर यो सम्झौता महामारीपछिको आप्रवासनको छाल रोक्न अप्रयाप्त देखिएको छ ।
किनभने आप्रवासीहरूको संख्या फेरि बढेको छ भने द्विपक्षीय व्यापारमा बाधा पुर्याएको छ । अमेरिकामा पनि रूढीवादी मतदाताहरूबीच आप्रवासी विरोधी भावना जगाएको छ।
यो महिना अमेरिकाको दक्षिणपश्चिम सीमानामा प्रतिदिन १०,००० आप्रवासी पक्राउ परेका थिए। यसैबीच अमेरिकाको सीबीपीले टेक्सासका इगल पास र एल पासो सहरहरूमा सीमापार रेल यातायात निलम्बन गरेको थियो । किनभने आप्रवासीहरू मालवाहक रेलहरूमा सवार थिए।