बैंकबाट करोडौं ठगेर अमेरिका आएका व्यक्तिलाई डिपोर्ट


प्रकाशित मिति : भाद्र ६, २०७४ मंगलबार

स्वेदशमा बैंकलाई समेत ठगेर अमेरिका आएका एकजना व्यक्तिलाई इमिग्रेशन एण्ड कस्टम इन्फोर्समेन्ट आइसका अधिकारीहरुले नियन्त्रणमा लिएर डिपोर्ट गरिदिएका छन् । बैंक र बित्तिय संस्थाहरुबाट झण्डै ५३ मिलियन डलर ठगेका चीनका ४७ बर्षका जिमिंग झाउलाई न्युजर्सीमा पक्राउ गरेर देशनिकाला गरिएको हो ।

उनले चीनमा एउटा कम्पनी खोलेको र कम्पनीले पुरानो ऋण तिर्न नसकेर टाट पल्टेको अवस्थामा नक्कली कागजात बनाएर उनले पुन बैंक र बित्तिय संस्थाबाट ऋण लिन सफल भएका थिए । त्यसपछि उनी भिजिटर भिसामा अमेरिका आएर ओभरस्टे भएर बसिरहेका थिए । सन् २०१५ को नोभेम्बर १९ मा चीनीया अधिकारीहरुले उनलाई पक्राउ गर्न वारेन्ट जारी गरेका थिए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com