अमेरिकामा १ बिलियन डलर नाघ्यो पावरबल ज्याकपट, आज खोलिने

खसोखास अमेरिका ब्यूरो

प्रकाशित मिति : आश्विन १५, २०८० सोमबार

अमेरिकाको पावरबल ज्याकपट अब १ बिलियन डलर नाघेको छ । अर्थात् यो १ दशमलव शुन्य ४ बिलियन डलर पुगेको छ । जुन अहिलेसम्मकै सबैभन्दा चौथो ठूलो पावरबल ज्याकपट हो । सोमबार रातीको लागि तय गरिएको पावरबल १ दशमलव शुन्य ४ बिलियन पुगेको हो । विजेताले नगद लिन चाहेमा ४७८ मिलियन डलर प्राप्त गर्नेछन् । त्यसपछि ट्याक्स रकम पनि काटिनेछ ।

अहिलेसम्म सबैभन्दा ठूलो पावरबल सन् २०२२ नोभेम्बर ७ मा २ दशमलव शुन्य ४ बिलियनको ज्याकपट क्यालिफोर्नियाका व्यक्तिले जितेका थिए भने दोश्रो ठूलो पावरबल सन् २०१६ को जनवरी १३ मा १ दशमलव ५ बिलियन डलरको ज्याकपट क्यालिफोर्निया, फ्लोरिडा र टेनेसीका व्यक्तिले जितेका थिए । तेश्रो ठूलो पावरबल सन् २०२३ को जुलाई १९ मा १ दशमलव शुन्य ८ बिलियनको थियो भने क्यालिफोर्नियाका व्यक्तिले जितेका थिए ।

पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ । पावरबल लोटरी सोमबार, बुधबार र शनिबार न्युयोर्क समय अनुशार राती १० बजेर ५९ मिनेट जाँदा खोलिन्छ । यो टिकटको मूल्य २ डलर रहेको छ ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]