अमेरिकामा सुटिङका क्रममा दुर्घटनामा परे शाहरुख खान
प्रकाशित मिति : असार १९, २०८० मंगलबार
शाहरुख खान पठानको साथ ठूलो पर्दामा भव्य कमब्याक गरे र यो फिल्मको साथ पूर्ण एक्शन मोडमा छन्। फ्यानहरू उनको अर्को फिल्म जवानको पर्खाइमा छन् तर यसैबीच अमेरिकामा सुटिङका क्रममा शाहरुख खान दुर्घटनामा परेका छन् ।
शाहरुख खान लस एन्जलसमा आफ्नो एउटा प्रोजेक्टमा काम गरिरहेका थिए । यसै क्रममा उनी सेटमै घाइते भएका थिए । उनको अमेरिकामै शल्यक्रिया पनि भएको छ।
शाहरुख खान फिल्मको सेटमा घाइते भएको यो पहिलो पटक भने होइन । उनी ‘रईस’ को समयमा पनि घाइते भएका थिए र त्यतिबेला उनको शल्यक्रिया पनि भएको थियो । यति मात्र होइन, ‘चेन्नई एक्सप्रेस’ को सुटिङका क्रममा शाहरुख धेरै चोटि घाइते भएका थिए र त्यस क्रममा उनको ८ वटा शल्यक्रिया भएको बताइएको छ ।
शाहरुख खान यतिबेला आफ्नो आगामी फिल्म ‘जवान’ लाई लिएर चर्चामा छन् । एट्लीले निर्देशन गरेको ‘जवान’ को ट्रेलर हलमा रिलिज हुँदैछ ।